Loterías y Apuestas del Estado

Kiniela murriztuetan, partidu batean edo gehiagotan iragarpen anitzak eginez probabilitatearen eta prezioaren arteko erlazioa hobe daiteke. Hona hemen hori ulertzeko eta nola erabili jakiteko eskuliburutxoa.

Nola funtzionatzen dute, oro har, apustu anitzak?
Kiniela batean partidu bati balio bat baino gehiago egokitzen badiogu, apustu anitza egiten ari gara. Hobeto ulertzeko, demagun 3 partidu soilik dituen kiniela egingo dugula. Partidu bati balio anitza egokituko diogu, kasu honetan, 1-X bikoitza:

Egia esan, kiniela honetan apustu sinple bi egin dira:

Bloke bakoitzari apustu sinple soila dagokio. 3. partiduan hirukoitza ipini bagenu, hau da, 1, X eta 2, 3 apustu jokatu eta 3 bloke izango genituzke. Hau izango litzateke emaitza:

Demagun 3. partiduan apustu hirukoitza egin dugula eta partidu guztien emaitza 1a izan dela:

• 1. blokearen apustuan 3 asmatu ditugu
• 2. blokearen apustuan 2 asmatu ditugu
• 3. blokearen apustuan 2 asmatu ditugu

Nola funtzionatzen dute iragarpen anitzek apustu murriztuetan?

Orain apustu murriztu baldintzatu baten funtzionamendua ikusiko dugu, lehen murriztapena, alegia. Mota honetan, 4 hirukoitzeko iragarpen anitza egiten da. Garatutako 4 hirukoitz hauek 81 apustu sinple dakartzate. Murriztapena, orduan, zera izango litzateke, guztirako 81 apustuetatik metodikoki 9 hautatu eta jokatzea.

Iragarpen anitz batean 4 hirukoitz markatzen baditugu, 3 x 3 x 3 x 3 = 81 apustu egingo ditugu. Kiniela honen prezioa 81 x 0,5 € = 40,5 € izango litzateke.

Hala ere, 4 hirukoitz horiek markatu arren sistemari apustu murriztua egin nahi dugula esaten badiogu, aukerako 81 apustuetatik 9 baino ez ditugu jokatuko. Kiniela honen prezioa 9 x 0,5 € = 4,5 € izango litzateke.

Nolanahi ere:

Zergatik 9 apustu besterik ez guztirako 81etik? Sistemak ahalik eta gehien asmatzeko aukera emango diguten 9ak hautatzen ditu. Partidu guztiak gure iragarpenarekin bat etorriz gero, aukeratutako 9 apustuek zera bermatuko digute:

• 14 asmatzeko apustu 1 izateko %11,11ko probabilitatea.
• 13 asmatzeko apustu 1 izateko %100eko probabilitatea.

Zeintzuk dira 9 apustu hauek? Hona hemen lehen murriztapena garatzeko modua:

Honen arabera, jokatuko EZ dugun 72 apustu edo aukerako konbinazio dago. Esate baterako, lau partiduetan 2a lortzeko konbinazioa ez dugu jokatuko; beraz, partidu horietako azken emaitza 2a izanez gero, 4 gutxiago asmatuko genituzke. Dena den, 3. blokeari esker 3 asmatuko genituzke.

Non dago abantaila orduan? Ez da desabantaila edo abantaila kontua, baizik eta probabilitate matematiko hutsa. 4 hirukoitz 81 apustu dira eta 40,5 €-ko prezioa dute. Modu anitz zuzenekoan jokatzen baditugu, murriztu gabe, eta 14 asmatzen baditugu, orduan irabaziko duen konbinazioa jokatu dugun % 100eko probabilitatea izango dugu. Apustuen % 100 jokatu dira eta guzti-guztiak ordaindu dira. Apustu murriztuaren kasuan, ordea, 81etik 9 hautatuko dira, hau da, 14 eta 13 asmatzeko aukera gehien eskaintzen duten konbinazio kopuru handiena bermatzen dituztenak, alegia. Hala gertatzen da baldin eta emaitza guztiak asmatu badira. Aukera hau askoz merkeagoa da, gainera. 4 hirukoitz murrizturen kasuan, prezioa 4,5 €-koa da 40,5 €-koa izan beharrean. Ondorioz, %11,11ko probabilitatea besterik ez dugu izango 9 apustu horien artean 14 asmatzekoa edukitzeko, nahiz eta 13 asmatzekoa izateko %100eko probabilitatea daukagun.

Zergatik apustu hauek eta ez beste batzuk? Baimendutako murriztapenak eta baliozko iragarpenen taldeak, 2009-2010 denboraldiko lehen jardunalditik aurrera Kirol Apustuen iragarpenen lehiaketak zuzentzeko Loterías y Apuestas del Estadoren 2009ko uztailaren 6ko Ebazpenean araututakoaren araberakoak dira. 2009ko uztailaren 23an argitaratu zen araudi hau osorik ikusteko aukera duzu hemen.

Zenbat murriztapen mota daude? Araudi honetan baimendutako 6 mota ikus daiteke, baita haietako bakoitzean joka daitezkeen apustu osoak ere. Hona hemen laburpen txiki bat:

• 1. murriztapena: 4 hirukoitz, 9 apustu, 4,5 €
• 2. murriztapena: 7 bikoitz, 16 apustu, 8 €
• 3. murriztapena: 3 bikoitz + 3 hirukoitz, 24 apustu, 12 €
• 4. murriztapena: 2 hirukoitz + 6 bikoitz, 64 apustu, 32 €
• 5. murriztapena: 8 hirukoitz, 81 apustu, 40,5 €
• 6. murriztapena: 11 bikoitz, 132 apustu, 66 €

Dena dela, loteriasyapuestas.es guneko La Quiniela jokoak zein murriztapen dagoen eskuragarri adieraziko dizu eta txartela betetzen lagunduko dizu.

Asmatzeko zer probabilitate emango dit murriztapen ofizial bakoitzak?

Taula honen arabera, murriztua eginda 14 asmatzeko %11,11ko probabilitatea daukagu, baldin eta emaitza guztiak iragarpenarekin bat badatoz. Hala gertatuz gero, gainera, 13ko 0, 12ko 0, 11ko 8 eta 10eko 0 izango ditugu. Hala ere, 14 asmatu ezean, 13ko 1, 12ko 3, 11ko 3 eta 10eko 2 asmatzeko %100eko probabilitatea edukiko dugu.

Nola jokatzen da eta nola egin behar dut mota hau aukeratzeko?

• Saltoki batean jokatzen baduzu, galdetu saltokiko langileari murriztuen inprimakiak non dauden. Langileak argituko dizkizu izan ditzakezun zalantza guztiak. Txartel hauek bereziak dira edozein jardunaldirako balio dutelako. Hona hemen txartel mota honek duen itxura:

  

• loteriasyapuestas.es gunean jokatzen baduzu, dagokion aukera hautatu behar duzu iragarpena egiterakoan, ondorengo irudian ikusten den bezala:

  

  KONBINAZIOAK zutabea automatikoa da eta markatutako bikoitz eta hirukoitzak zenbatzen ditu. Eskuinean baimendutako murriztapenak agertuko dira. “PART. SISTEMAN” zutabean 14 partiduetako zeintzuk jokatuko ditugun modu murriztuan zehaztu behar dugu. Hau da, iragarpen sinplea egin dugun partidu guztietatik murriztapen sisteman zeintzuk sartuko ditugun adieraziko dugu. Demagun Portugal-Malta, Estonia-Belgika, Turkia-Armenia eta Frantzia-Austria partiduetan hirukoitza jarri dugula. 2., 7., 8, eta 11. laukiak markatuko genituzke orduan, horiek baitira jardunaldiaren programan partidu horiei dagozkien tokiak.

Iragarpen murriztuko partiduekin eta murriztu gabeko beste konbinazio anitzekin aldi berean jokatu al dezaket? Bai. Baimendutako murriztapenak lehen aipatu dugun ebazpenean ezarritakoak dira soilik. Hala ere, demagun lehen murriztapena 4 hirukoitzekin jokatu nahi dugula baina, aldi berean, murriztu gabeko bikoitz bat gehitu nahi dugula. Kasu honetan:

• Murriztapen sisteman 4 hirukoitzekin jokatuko ditugun 9 apustuak = 4,5 €
• Gehi bikoitz bat, 9 x 2 = 18 apustu = 9 €
• Beste hirukoitz bat izatekotan, 9 x 3 = 27 Apustu = 13,5 €

Gehitutako bikoitz edo hirukoitza ez dugu "PART. SISTEMAN” zutabean murriztu beharreko partidu gisa markatuko

Kinielan jokatzen dutenek maiz erabiltzen al dute metodo hau? Gutxi gorabehera, astero egiten diren apustuen %20 egiten dira metodo honekin, beraz nahiko hedatutako erabilgarritasuna dela esan liteke.