Loterías y Apuestas del Estado

A Lotería Nacional, a través dos seus 189 anos de existencia, está xalonada de datas que foron marcando a súa evolución e á vez mantiveron a súa continuidade. Algunhas das máis importantes son:

• 1812.- Celébrase en Cádiz o Primeiro Sorteo da Lotería Moderna.
• 1813.-  Substitúense as cédulas de papel, utilizadas en principio, polas bólas de madeira que se empregan na actualidade para representar números e premios.
• 1849.- Para dar novos pulos á lotería e estendela por case todas as poboacións españolas, créanse por Real Orde do 1 de Xullo, administracións provisionais en todas as cabezas de partido xudicial e, por extensión, en todos os lugares onde puidesen sosterse.
• 1850.- En febreiro estreou os seus primeiros bombos metálicos, que precisamente son os mesmos que actualmente se utilizan para os sorteos do Nadal e dos Nenos de San Ildefonso, polo chamado sistema tradicional.
• 1863.- Primeira emisión de dúas series nalgúns sorteos.
• 1888.- A modo de ensaio celébranse once sorteos polo sistema de irradiación, un só número enxendraba, mediante unha combinación automática, toda a lista de premios. Este método, precedente do actual sistema de bombos múltiples, foi abandonado ante a escasa aceptación popular.
• 1892.- Por primeira vez aparece a denominación de "Sorteo de Nadal" no prospecto de premios realizado para o sorteo que habería de celebrarse o 23 de decembro dese ano.
• 1897.- Neste ano inclúese nos décimos de lotería a denominación de "Sorteo de Nadal".
• 1919.- Implántanse con carácter permanente tres sorteos mensuais.
• 1932.- Inaugúrase a nova sede da Lotería Nacional na rúa de Montalbán.
• 1936/39.- Celébranse sorteos en diversas cidades das zonas en que a Guerra Civil divide a España.
• 1940.- Comezan a imprimirse os billetes na Fábrica Nacional de Moeda e Timbre.
• 1941.- A partir de setembro establécense reintegros en todos os sorteos ordinarios e extraordinarios. A medida foi un éxito e supuxo un claro aumento das vendas.
• 1956.- Apróbase a vixente Instrución de Loterías.
• 1957.- Primeiro sorteo televisado.
• 1958.- España asiste ao II Congreso Internacional de Loterías de Estado celebrado en Bruxelas. Celébrase un sorteo extraordinario cuxos beneficios irán destinados á construción dunha sede para a Lotería Nacional.
• 1960.- Iníciase unha temática monográfica nos billetes da lotería, converténdose así o décimo nun bello e excelente vehículo cultural.
• 1962.- Celébrase en Madrid o IV Congreso Internacional de Loterías de Estado; coincidindo con el efectúase no Teatro Español de Madrid o primeiro sorteo polo sistena de bombos múltiples e a inauguración da Exposición Internacional da Lotería, conmemorativa do II centenario da Lotería Española.
• 1963.- Inaugúrase o actual edificio da Lotería Nacional na rúa de Guzmán el Bueno.
• 1964.- Celébrase en San Sebastián o primeiro sorteo en provincias. No sorteo do 25 de abril emítense por primeira vez un millón de billetes para un só sorteo.
• 1966.- Establécese que o pagamento dos premios poida efectuarse indistintamente en calquera administración de loterías.
• 1969.- Celébrase o 4 de marzo en Cádiz, onde en 1812 tivo lugar o primeiro sorteo, o sorteo número 5.000 da Lotería Nacional.
• 1974.- Os servizos da Lotería Nacional informatízanse, introducindo modernas técnicas cibernéticas no proceso de distribución de billetes.
• 1975.- Nalgúns sorteos introdúcese un premio especial ao décimo, para unha fracción do billete que obtivera o primeiro premio.
• 1976.- A programación da Lotería Nacional alcanza os 50 sorteos anuais e introdúcese a numeración magnética nos billetes.
• 1978.- Celébrase un sorteo extraordinario denominado "Sorteo 500 de Bombos Múltiples" que conmemora o sorteo número 500 dos realizados por este método, instaurado en 1962 e que se coñeceu en principio como "sistema moderno".
• 1979.- Un Real Decreto reduce a 3 meses o prazo de caducidade do dereito ao cobro dos premios e sinala a súa entrada en vigor desde o día primeiro de 1980.
• 1980.- De acordo co Real Decreto 2660/1979, do 2 de novembro, polo que se autoriza ao Xefe do Servizo Nacional de Loterías a transformar en extraordinario o sorteo ordinario da Lotería Nacional correspondente ao día 12 de abril de 1980, celebrouse o primeiro dos 3 Sorteos Extraordinarios a beneficio do "MUNDIAL 82" realizados no trienio 1980-1982.
• 1983.- A partir deste ano os billetes ilústranse con temas monográficos alusivos ao "Descubrimento de América", como contribución á preparación do V Centenario.
• 1984.- Ao terse convertido en mixto o Colexio de San Ildefonso, en decembro participan, por primeira vez na historia da lotería, varias nenas no desenvolvemento dun sorteo.
• 1985.- Introdúcense catro premios especiais ao décimo en todos os sorteos extraordinarios, especiais e ordinarios, ademais implántase para todos eles o triple reintegro. O domingo 2 de xuño tivo lugar un sorteo extraordinario polo sistema tradicional con motivo do II Congreso Europeo de Loterías de Estado que se celebrou en Marbella. Por Real Decreto 904/1985 do 11 de xuño constitúese o ORGANISMO NACIONAL DE LOTERIAS Y APUESTAS DEL ESTADO, encargado da organización e xestión das loterías, apostas e xogos que sexan competencia do Estado.
• 1986.- A partir de febreiro auméntase o número de series en todos os sorteos, pasando a 20 nos ordinarios, 12 nos especiais e 10 nos extraordinarios. O 7 de xuño celebrouse un sorteo polo sistema tradicional de dous bombos denominado "Sorteo Extraordinario Nenos de San Ildefonso" en homenaxe aos nenos e nenas do Colexio de San Ildefonso, como mostra do afecto e simpatía que sorteo a sorteo foron gañando estes incomparables colaboradores ao longo da súa xa bicentenaria participación nas tarefas da lotería.
• 1987.- Cúmprese o 175 aniversario da Lotería Nacional, por tal motivo celebrouse un sorteo extraordinario o 7 de marzo na cidade de Cádiz, cunha da nosa Lotería Nacional.
• 1988.- Por Lei do 25 de maio de 1988 sobre beneficios fiscais disponse, no seu artigo 33, que durante os anos 1988-1992 a Lotería Nacional destinará os beneficios líquidos dun sorteo anual ao financiamento da EXPO 92, os XOGOS OLÍMPICOS DE BARCELONA e a conmemoración do V CENTENARIO, tendo lugar o día 15 de outubro a celebración do primeiro destes sorteos. O ano 1988 foi un ano pródigo en acontecementos relacionados coa proxección internacional da Lotería Nacional destacando os seguintes:
  - A celebración do Primeiro Sorteo Europeo o 8 de outubro no Teatro Real de Madrid. Neste sorteo tomaron parte, xunto á Lotería Nacional de España, loterías estatais de Bélxica, Francia, Luxemburgo, Portugal, Suecia, Suíza e Turquía.
  - Tivo lugar en Madrid o Primeiro Congreso Iberoamericano de Loterías.
  - O director do Organismo Nacional de Loterías y Apuestas del Estado foi designado, en Melbourne, Presidente da Asociación Internacional de Loterías de Estado (A.I.L.E.).
• 1989.- O 15 de outubro deste ano tivo lugar en Lisboa o 2º Sorteo extraordinario "Europeo". Modificáronse os programas de premios de todos os sorteos, adxudicándose unha ganancia de 2 pesetas por peseta ás extraccións de dúas cifras e igualándose a popular "pedrea" á do Nadal con premios de 5 pesetas por peseta.
• 1990.- O 21 de abril, celebrouse por primeira vez un sorteo especial dedicado ao "DÍA DO LIBRO", como homenaxe á cultura e ao seu máis importante vehículo: o libro.  Respecto á súa proxección internacional cabe destacar os seguintes feitos:
  - O 9 de xuño, Lotería Nacional dedicou un sorteo extraordinario, polo método tradicional, como homenaxe ao XVIII Congreso Internacional de Loterías de Estado celebrado en Sevilla entre o 3 e 9 de xuño.
  - O 13 de outubro, tivo lugar na cidade de Queretaro (México) o Primeiro Sorteo Extraordinario Iberoamericano.
  - O 20 de outubro tivo lugar en Bruxelas (Bélxica), o III Sorteo Extraordinario Europeo. Neste sorteo, por primeira vez outorgouse un premio común financiado por todos os participantes que ascendía a catro millóns de Ecus. Este premio especial recaeu en España sendo a fracción 3ª, serie 4ª, do número 56.046 vendido en Madrid, o agraciado con este premio especial.
• 1991.- O 20 de abril celebrouse o primeiro dos dous sorteos anuais dedicados a MADRID CAPITAL EUROPEA DA CULTURA 1992, que constitúe unha oportunidade para que Madrid abra as súas portas ao mundo e presente o seu rico patrimonio cultural e histórico.
  O 15 de xuño, a Lotería Nacional dedicou un sorteo extraordinario, polo método tradicional como homenaxe aos Nenos de San Ildefonso.
  O 6 de xullo, a Lotería Nacional inicia unha nova etapa na que a modalidade de sorteos se refire, poñendo en marcha o denominado "SORTEO DO ZODÍACO". A particularidade máis acentuada en relación á súa propia estrutura, atópase na caracterización das diferentes series polos doce signos zodiacais en lugar da tradicional ordenación numérica.
  O 12 de outubro, tivo lugar o II Sorteo Extraordinario Iberoamericano desde o salón de Sorteos do Organismo Nacional de Loterías y Apuestas del Estado.
  O 19 de outubro, celebrouse en Ankara (Turquía), o IV Sorteo Extraordinario Europeo, correspondéndolle a ESPAÑA por segunda vez consecutiva o premio especial de catro millóns de ecus. Nesta ocasión foi o número 99.825 fracción 9ª, serie 4ª o décimo afortunado, vendido en BARCELONA, cun premio total acumulado de 1.015 millóns xa que ao premio especial europeo de ecus hai que engadir o premio especial de 500 millóns ao décimo.
• 1992.- Este ano de 1992 foi para a Lotería Nacional un ano repleto de acontecementos, tendo na súa dimensión Internacional a realización dun feito de especial transcendencia: a celebración o 9 de maio do "I SORTEO EXTRAORDINARIO UNIVERSAL", desde o recinto feiral de EXPO´92 en Sevilla. Este Sorteo marca un hito importante na historia das loterías xa que tal como aparece destacado na viñeta dos seus décimos: "As Loterías de Estado do Mundo reúnense por primeira vez na súa historia para a celebración dun Sorteo de dimensión Universal", onde participaron países de catro continentes.
  En outubro tivo lugar en Xénova (Italia) a celebración do sorteo extraordinario EUROPEO recaendo este ano o premio especial de CATRO MILLÓNS DE ECUS no país anfitrión.
• 1993.- Neste ano celebrouse en Granada o sorteo extraordinario "Serra Nevada 1995" anunciando a próxima Olimpiada Branca que terá lugar nesas marabillosas paraxes.
  O 23 de outubro tivo lugar en HILVERSUM (Países Baixos) a celebración do Sorteo Extraordinario Europeo, recaendo o premio especial de catro millóns de ECUS a España, á fracción 6ª da serie 10ª do número 07.255 vendido na localidade madrileña de Alcorcón correspondéndolle un premio acumulado de 1.073.472.000.-Pts.
  O día 6 de novembro celebrouse na cidade de Bos Aires (Arxentina), o III Sorteo Extraordinario Iberoamericano.
  O 24 de xullo modificouse a estrutura de premios e nome do sorteo do Zodíaco Millonario, mantendo o seu prezo, en sintonía cos sorteos anteriores, en 250 Pts. por décimo e continuando o seu premio maior en 40 millóns de pesetas, polo que as súas vendas ascenderon a 23.757 millóns.
• 1994.- Este ano nos orzamentos para 1994 de data 30 de decembro de 1993, aparece nas súas disposicións adicionais vixésima e vixésimo primeira que o Organismo Nacional de Loterías y Apuestas del Estado destinará os beneficios dos sorteos "Asociación contra o Cancro" e "Serra Nevada 95" a favor da Asociación Española contra o Cancro e a a Asociación organizadora dos campionatos do mundo de esquí alpino de 1995 Serra Nevada 95.
  Este ano celebráronse dous sorteos europeos. O 5 de marzo celebrouse o VII Sorteo Extraordinario Europeo cun premio especial de 4.000.000 de ecus. A poboación afortunada con 1.119.528.000. - pts foi Tordesillas, e o VIII Sorteo Extraordinario Europeo celebrouse o 8 de outubro. Nesta ocasión o premio especial foise a Italia.
  Por primeira vez e en agradecemento e en xusta retribución a quen contribuíu e fixo posible que a lotería sexa coñecida e recoñecida máis alá dos nosos lindeiros dedícase un sorteo extraordinario "Medios de Comunicación" ao conxunto de medios e profesionais que colaboran na ilusión e alegría en clave de lotería.
  Tamén este ano como ao longo de todos os anos desde 1964 que se celebrou o primeiro sorteo viaxeiro en San Sebastián, os nosos bombos viaxaron a Monzón (Huesca), Ugijar (Granada), Morella (Castellón), Alacante, A Coruña, Cuenca, Villafranca do Penedés (Barcelona), Palma de Mallorca e Santa Cruz de Tenerife.
• 1995.- Nos orzamentos para 1995 de data 31 de decembro de 1994, aparece nas súas disposicións adicionais decimoterceira, decimo cuarta e vixésimo quinta que o O.N.L.A.E. destinará os beneficios dos sorteos "Asociación contra o cancro", "Serra Nevada 95" e "Cruz Vermella" a favor da Asociación Española contra o cancro, a Asociación organizadora dos Campionatos do Mundo de Esquí Alpino de 1995 e Cruz Vermella.
  Este Ano celebrouse en España o IX Sorteo Extraordinario Europeo, cuxo primeiro premio dotado con 900 millóns de pesetas correspondeu ao número 90.931, vendido en Madrid. Así mesmo celebrouse desde Viña do Mar (Chile) e Madrid o IV Sorteo Extraordinario Iberoamericano, contando e nesta ocasión coa participación de Arxentina, Chile e España.
  Ao longo de 1995 celebráronse sorteos viaxeiros en Granada, Águilas (Murcia), Olivenza (Badaxoz), Oviedo, Astorga (León), Xixón, Alcalá la Real (Xaén), Aranda de Duero (Burgos) e Murcia.
• 1996.- Durante 1996 Lotería Nacional celebrou 103 sorteos. De entre eles os celebrados a favor de Cruz Vermella Española e A Asociación Española Contra o Cancro. Ao igual que en anos anteriores celebráronse varios sorteos en diversas provincias da nosa xeografía, tales como Granada, Almadén (C.R.), Castellón, Huesca, Xetafe (Madrid), Potes (Cantabria), Cádiz, Santiago de Compostela, Salamanca, Montilla (Córdoba) e Almería.
  O sorteo Europeo celebrouse en Nicosia (Chipre), correspondendo o premio especial Europeo a Italia.
• 1997.- Ao longo de 1997 Lotería Nacional celebrou 102 sorteos dos cales catro tiveron carácter finalista, os celebrados a favor da Asociación Contra o Cancro, Cruz Vermella, Universidade de Palma de Mallorca 1999 e Asociación Vítimas do Terrorismo.
  Os sorteos viaxeiros celebráronse en Lleida, Cazorla (Xaén), Palma de Mallorca, Vigo, Zamora, O Espinar (Segovia), Requena (Valencia), Melilla e Elche (Alacante).
  O sorteo Extraordinario Europeo celebrouse en Venecia (Italia), correspondéndolle o Premio Especial Europeo a Bélxica.
• 1998.- En 1998 celebráronse 104 sorteos de Lotería Nacional tanto de xoves como de sábado. Os sorteos finalistas foron a favor do Cancro, Cruz Vermella e Universidade de Palma de Mallorca-1999.
  O sorteo Europeo tivo lugar en Lisboa, correspondendo o Premio Especial de 2.500.000 ECUS a España.
  Os sorteos viaxeiros foron en Barcelona, Salamanca, Murcia, Palma de Mallorca, Segorbe (Castellón), Toledo, Santiago de Compostela, Montejo de la Sierra (Madrid), Almonte (Huelva), Barbastro (Huesca), Xérez da Fronteira, Lucena (Córdoba) e Pontevedra.
• 1999.- En 1999 celebráronse 102 sorteos de Lotería Nacional. Os sorteos finalistas foron a favor da Cruz Vermella Española, Asociación Española contra o Cancro, Xacobeo-99 e Campionato do Mundo de Atletismo.
  O Sorteo Europeo celebrouse en Hilversum (Holanda), coa participación de diversas Loterías Europeas, entre as que se atopaba España. O Premio Especial Europeo de 2.500.000 Euros recaeu en Italia.
  Ao igual ca nos anos anteriores os bombos da Lotería Nacional visitaron diversas localidades de España para celebrar os seus sorteos. En 1999 foron celebrados en Valencia, Universidade Complutense (Madrid), Archidona (Málaga), Santiago de Compostela (Coruña), Borox (Toledo), Almonte (Huelva), Sevilla, Palencia, Alcántara (Cáceres), Calatayud (Zaragoza), Alcalá de Henares (Madrid), Tarragona, Pamplona, Melilla, Alcoi (Alacante) e Peñafiel (Valladolid).
• 2000.- O 15 de xaneiro de 2000 entrou en vigor o Real Decreto 2069/1999 do 30 de decembro polo que se aproba o Estatuto da Entidade  pública empresarial Loterías y Apuestas del Estado. Este Decreto publicouse no B.O.E. nº 12, de data 14 de xaneiro de 2000.
  Celebraranse 102 sorteos de Lotería Nacional. Os sorteos finalistas foron a favor da Cruz Vermella Española, Asociación Española contra o Cancro, o Campionato do Mundo dos Xogos Ecuestres e Capitalidade Cultural Europea Santiago de Compostela no ano 2000.
  O sorteo Europeo celebrouse en MADRID, coa participación de diversas Loterías Europeas, entre as que se atopaba España. O Premio Especial Europeo de 2.500.000 Euros recaeu en Chipre.
  Ao igual ca en anos anteriores os bombos da Lotería Nacional visitaron diversas localidades de España para celebrar os seus sorteos. En 2000 foron celebrados en: Madridejos (Toledo), Astorga (León), Belmonte (Cuenca), San Ildefonso La Granja (Segovia), Santiago de Compostela (A Coruña), Rincón de la Victoria (Málaga), Xérez da Fronteira (Cádiz), Sort (LLeida), Motril (Granada), Sanlúcar de Barrameda (Cádiz), Aranxuez (Madrid), Campillos (Málaga), Toledo, Barcelona, Valencia e Cáceres.
  Sorteo Europeo celebrado en Madrid.
• 2001.- No ano 2001 celebraranse 103 sorteos de Lotería Nacional. Os sorteos finalistas foron a favor da Cruz Vermella Española (Xaén e Madrid), Asociación Española contra o Cancro (León) e "VI Xornadas Olímpicas da Xuventude Europea" (Murcia).
  O sorteo Europeo celebrouse en NICOSIA (Chipre), coa participación de diversas Loterías Europeas, entre as que se atopaba España. O Premio Especial Europeo de 2.000.000 Euros recaeu en Portugal.
  Ao igual ca en anos anteriores os bombos da Lotería Nacional visitaron diversas localidades de España para celebrar os seus sorteos. En 2001 foron celebrados en: Murcia, Madrid (Jardines del Canal), Oviedo (Asturias), León e Xaén.
• 2002.- No ano 2002 celebráronse 102 sorteos de Lotería Nacional. Os sorteos finalistas foron a favor da Cruz Vermella Española, Asociación Española contra o Cancro e "Salamanca 2002, Cidade Europea da Cultura".
  O sorteo Europeo celebrouse en Grecia, coa participación de diversas Loterías Europeas, entre as que se atopaba España. O Premio Especial Europeo de 2.000.000 Euros recaeu en Bélxica.
  Ao igual ca en anos anteriores os bombos da Lotería Nacional visitaron diversas localidades de España para celebrar os seus sorteos. En 2002 foron celebrados en: Salamanca, Santander, Villaviciosa (Asturias), Xérez da Fronteira (Cádiz), Córdoba, Ávila, Huesca e Aranxuez (Madrid).
• 2003.- No ano 2003 celebráronse 103 sorteos de Lotería Nacional. Os sorteos finalistas foron a favor da Cruz Vermella Española, Asociación Española contra o Cancro, Sorteo Especial da "Solidariedade" e "Campionatos Mundiais de Natación Barcelona 2003".
  O sorteo Europeo celebrouse en Xaén, coa participación de diversas Loterías Europeas, entre as que se atopaba España. O Premio Especial Europeo de 2.000.000 Euros recaeu en Roda de Ter (Barcelona).
  Ao igual ca en anos anteriores os bombos da Lotería Nacional visitaron diversas localidades de España para celebrar os seus sorteos. Sendo estas A Coruña, Jaca (Huesca), Zaragoza, Peñafiel (Valladolid), Málaga, Baeza (Xaén), O Toboso (Toledo), Caravaca de la Cruz (Murcia), La Rambla (Córdoba), Teruel, Xaén, Ceuta, Melilla e Santa Cruz de Tenerife.
• 2004.- No ano 2004 celebráronse 104 sorteos de Lotería Nacional. Os sorteos finalistas foron a favor da Cruz Vermella Española, Asociación Española contra o Cancro, "Xacobeo 2004" e "XV Xogos do Mediterráneo, Almería 2005".
  Ao igual ca en anos anteriores os bombos da Lotería Nacional visitaron diversas localidades de España para celebrar os seus sorteos. Sendo estas Andúxar (Xaén), Paracuellos del Jarama (Madrid), Málaga, Ourense, Figueres (Girona), Santiago de Compostela (A Coruña), Granada, Almería, Medina del Campo (Valladolid), Palma de Mallorca e Valencia.
• 2005.- No ano 2005 celebráronse 102 sorteos de Lotería Nacional. Os sorteos finalistas foron a favor da Cruz Vermella Española e a Asociación Española contra o Cancro.
  Ao igual ca en anos anteriores os bombos da Lotería Nacional visitaron diversas localidades de España para celebrar os seus sorteos. Sendo estas San Fernando (Cádiz), Málaga, Argamasilla de Alba (Ciudad Real), A Coruña, Salamanca, León, Barcelona e Vigo (Pontevedra).
• 2006.- No ano 2006 celebráronse 102 sorteos de Lotería Nacional. Os sorteos finalistas foron a favor da Cruz Vermella Española e a Asociación Española contra o Cancro.
  Ao igual ca en anos anteriores os bombos da Lotería Nacional visitaron diversas localidades de España para celebrar os seus sorteos. Sendo estas Oviedo (Asturias), Logroño (A Rioxa), Toledo, Palos de la Frontera (Huelva), Peñaranda de Bracamonte (Salamanca), Potes (Cantabria), Benavides de Órbigo (León), Pozo Blanco (Córdoba) e Cuenca.
• 2007.- No Sorteo Especial "Cruz Vermella", celebrado en Valladolid o día 10 de marzo, substituíronse os bombos habituais por uns máis pequenos e modernos.