Loterías y Apuestas del Estado

1. TITULARTASUNA.

www.loteriasyapuestas.es atariaren titularra Loterías y Apuestas del Estado (LAE) enpresa-erakunde publikoa da, Estatuaren Administrazio Nagusiaren Antolaketari eta Funtzionamenduari buruzko apirilaren 14ko 6/1997 Legearen 43.1.b) artikuluan aurreikusten denetako bat, eta Ekonomia eta Ogasun Ministerioari atxikita dago, Ogasun eta Aurrekontuetako Estatu Idazkaritzaren bidez; LAEren helbidea da: Capitán Haya kalea 53, 28020 Madril; eta IFK, Q2826028I. LAEren eginkizuna eremu nazionaleko loteriak eta jokoak, kirol apustuak eta ongintzazkoak, edozein modalitatetan, eta kirol ekitaldien emaitzen gainean egiten diren pronostiko lehiaketa guztiak kudeatu eta merkaturatzea da.

LAE esparru nazionaleko loteriak, kirol-apustuak eta ongintza izaera duten bestelako apustuak kudeatzeaz eta merkaturatzeaz arduratzen da.

Estatuak sari guztiak kobratzeko segurtasuna bermatzen du. Argitaratu dauden arau juridikoek arautzen dituzte jokoak, eta parte-hartzailearen eskubidea babesten dute eta sariak kobratzeko eta, hala balegokio, erreklamazioak aurkezteko bideak eskaintzen dituzte.

LAEk jakinarazten du ez duela hirugarrenik baimendu bere produktuak Internetez edo beste baliabide elektronikoren edo ikus-entzunezko baliabideren baten bidez saltzeko. Hau da Loterías y Apuestas del Estado erakundearen web-orri ofiziala. Horregatik, LAEk ez du bere gain hartuko hau ez den beste web-orri bat kudeatzen duten edo, nolabait ere, beste web-orri batzuetan parte hartzen duten erakundeen edo pertsonen jardueraren erantzukizuna.

LAEk bere eskubide eta interes zilegiak aldezteko egokiak iruditzen zaizkion ekintzak gauzatzeko eskubidea du, baldin eta hirugarren baten jarduerak nolabaiteko kaltea eragiten badio.

2. WEBaren XEDEA.

Ataria LAEren ekimena da eta helburu bikoitza du:

• Izaera publikoa duen sustapen-arloa.
• Atariak eskainitako joko-modalitate guztiak arautzen dituen araudiaren arabera, apustuen salmenta-sisteman parte hartzeko aukera eskaintzen duen arlo pribatua.

3.PRIBATUTASUNA, KOMUNIKAZIOAK ETA DATU PERTSONALEN BABESA.

3.1. Parte-hartzailearen pribatutasunaren babesa

LAE zure datu pertsonalen, parte hartzen duten jokoen (konbinazioak eta aukeratutako pronostikoak, kopurua, zozketak, datak eta abar), saririk badago sarien ordainketaren eta transakzio ekonomikoen pribatutasuna mantentzeko konpromisoa hartzen du, datu pertsonalak babesteko abenduaren 13ko 15/1999 Lege Organikoan eta araudi osagarrian ezarritakoa beteaz. Datu horiek zuk jokoetan parte hartzea kudeatzeko baino ez dira erabiliko eta jokoen kudeaketa operatibo eta komertziala bideratzeko.

3.2. Zure neurriko komunikazioak

LAEk konpromisoa hartzen du jokoan parte hartzea dela-eta behar-beharrezkoak diren jakinarazpenak baino ez dizkizula bidaliko, eta, jokoei buruzko merkataritza informazioa edo bestelako informazioa, erregistratzeko prozesuan espres eskatu duten parte-hartzaileei baino ez diela bidaliko.

3.3. Datu pertsonalen tratamendua

Parte-hartzaile izan nahi baduzu bakarrik eman beharko dituzu datu pertsonalak. Beraz, web kanal honek ez du biltzen ez biltegiratzen bisitarien datu pertsonalik.

Ez da daturik hartuko zuk jakin eta baimendu barik. LAEk ez du begiz jota datuak hirugarrenei lagatzea. Nolanahi ere, LAEk inoiz ez dizkio datuok hirugarrenei lagako aurretiaz Parte-hartzailearen onespen adierazia izan gabe. Hala ere, zerbitzua emateko ezinbesteko datuak kanpoko erakundeekin trukatu behar dira: finantza sistemako erakundeekin, kobratzeko eta ordaintzeko, eta, legearen aginduz, AEAT agentziarekin, sari handiagoen berri emateko.

LAEk langintza profesionalik onenari jarraituz eta informazioaren segurtasuna kudeatzeko estandarrik onenak erabiliz tratatzen ditu datuok, bai datuen osotasuna bai isilpea ziurtatzerakoan.

LAEk zehatz-mehatz betetzen du Espainian indarrean dagoen legedia, eta bereziki Parte-hartzaileen datu pertsonalen tratamenduari dagokiona: datu pertsonalak batzea eta ondoren tratatzea Datu Pertsonalak Babesteko abenduaren 13ko 15/1999 Lege Organikoak (aurrerantzean, DBLO) eta araudi osagarriak (besteak beste, abenduaren 13ko 15/1999 Lege Organikoa Garatzeko Arautegia Onartzen duen abenduaren 21eko 1720/2007 Errege Dekretuak) ezarritakoaren mendean dago.

Zehazki, eta tratamendu aurreko informazio beharra betetzeko, Parte-hartzaile bakoitzari datuak eskatzen zaizkionean informazio hau ematen zaio:

• Ematen ari den datuak datu pertsonalen fitxategi batean, sartzen direla, datu bilketa zertarako den eta gero nola tratatuko diren eta nork jasoko dituen. Parte-hartzaileak egiazko datuak, zehatzak, indarrean daudenak eta benetakoak eman behar ditu, horixe bermatzen du Parte-hartzaileak horren erantzule da, eta behar bezala eguneratuta mantentzeko konpromisoa hartzen du.
• LAEren jokoetan kanal honetatik parte hartzeko nahitaez eman behar dituela datuak eta merkataritza informazioak eta bestelakoak jasotzea borondatezkoa dela. Datu pertsonalik eman nahi ez badu eta LAEk tratatzea gura ez badu, webgunean dauden formularioak ez betetzeko eta harreman anonimoa eskaintzen duten beste kanal batzuk erabiltzeko eskatzen diogu.
• LAEk % 100 LAErena den Estatuaren Loteria Sistema Teknikoak SAE (STL aurrerantzean) enpresari eman dio eskuordetzan webgune honen kudeaketa, operazioa eta eboluzioa. Era berean, STLk webguneko datu pertsonalen tratamenduaren “arduradun” lana egiten du, DBLOk jasotzen du figura hori eta horrela legeak agindutako eginbeharrak betetzen ditu LAEk.
• Datuak ikusi, zuzendu, ezabatu eta tratamenduari uko egiteko eskubideak erabil ditzakeela Erabiltzailearen Arreta Zentrora telefono dei bat eginez 902481818 zenbakira –eskubidearen izaeragatik hala baliatzea badagoenean– edo jakinarazpen idatzia bidaliz: STL, Erabiltzailearen Arreta, Manuel Tovar 9, 28034-Madril, edo Datuak Babesteko Erregistro Orokorrean haren ordez jartzen den helbidera. Eskubide horiez baliatu, pertsonak berak zuzenean egin behar duenez, Erabiltzaileak berak erabili ahal izango ditu eskubide horiek bera bidezko titularra den datu pertsonalekiko. Oharra: LAEk informatu egiten du eskubide horiek interesdunak legez baimendu gabeko hirugarren batek erabiltzea litekeena dela delitua izatea; gainera datu pertsonalen interesdun bidezkoak nahiz LAEk eskubidez dagozkien akzio zibil nahiz administratiboak gauzatzearen ondorioz baliteke bestelako ondorioei aurre egin beharra gertatzea.
• LAE fitxategiaren eta tratamenduaren arduraduna da, eta horretarako Ekoizpen zuzendaria da ordezkaria: Capitán Haya kalea 53, 28020 Madril. LAE ez da izango beste hirugarren batzuek datu pertsonalak tratatu eta ondoren erabiltzearen erantzule, hala nola banku erakundeek edo AEATk. 

Datu pertsonalak, sarbiderako eta web kanala erabiltzeko, altako formularioa betez eta, iradokizunak eta/edo erreklamazioak bidaltzeko, kontaktukoa betez biltzen dira.

902 48 18 18 zenbakiaren bidez ere jaso daitezke datu pertsonalak.

LAEk baztertu egingo ditu adingabe emantzipatu gabeek edo jarduteko legezko gaitasunik ez duten pertsonek emandako datuekin jasotzen dituen komunikazio guztiak, guraso, tutore edo legezko ordezkarien onespenik ez badute, indarrean dagoen legediak ez baitu uzten datu pertsonalak bildu edo tratatzea horien onespenik gabe.

4. SEGURTASUNA ETA ZERBITZUA.

LAEk kanal berri hau jartzen du Erabiltzailearen esku, ofizial bakarra Interneten, saltokietako betiko operazioen berme eta funtzionaltasun berberak dituela.

• Parte-hartzailearen tresnatik LAEren internet instalazio teknikoetaraino igarotzen den informazio guztia zifratuta igarotzen da, ohiko eskemari jarraituz (interneteko nabigatzailean oinarrituta, “SSL” protokolo kriptografikoa erabiliz, nabigatzailearen giltzarrapoa aktibatzeko); eskema hori Dibisa eta Zigilu Fabrika Nazionalak (FNMT) LAEren izenean jaulki duen zerbitzari ziurtagiria erabiliz aktibatzen da.
• Txartelarekin ordaintzeko sistemak “Interneten bidezko Ordainketa Segurua” erantsi du, 3DSecure izenez ere ezaguna, eta horrek ziurtatu egiten du soilik eta bakarrik txartelaren titularrari ordaintzen zaiola.
• Web aplikazioa zure ordenagailuan transmititutako informazioaren aztarnak uztea saihesteko diseinatu denez, edozein lekutatik sara zaitezke zerbitzuan, hasiera batean, beldurrik gabe. Hala ere, tresna baliteke bisitatutako orrialdeak, idatzitako pasahitzak eta abar gordetzeko konfiguratuta egotea. Aditua ez bazara, zerbitzua zeure konfiantzako tresnetatik bakarrik erabiltzea gomendatzen dizugu.
• Web aplikazioak letra “zailak” identifikatzeko eskatzen duen sarrera kontrolbidea erabiltzen du, inork ez zaitzan erraz ordezkatu. Ezerosotasun txiki horrek zure datuak eta zerbitzua babesten zeharo laguntzen du.
• Informazio guztiaren zaintza LAEren instalazioetan egiten da eta erabilgaitasun handiko tresnen eta komunikazioen bidez erregistratu eta prozesatzen da, beti egon dadin haren zerbitzuan.
• Erabiltzailearen arreta Erabiltzailearen Arreta Zentrotik ematen dute LAE taldeko jokoetan espezializatutako pertsonek eta hertsiki kontrolatutako eta automatizatutako prozedurak jarraituz; horregatik ziurtatzen da informazioa behar den baldintzetan babesten dela.
• Hori guztia operatiba profesionalean oinarrituta, informazioaren segurtasuneko (ISO 27mila eta WLA-SCS:2006), kreditu txartelen datuak prozesatzeko (PCI-DSS) eta kalitatea kudeatzeko (ISO 9000) estandarrik modernoenekin bat etorriz.

Aurrekoa gorabehera, LAEk Interneteko erabiltzaileei gogoratzen die Internet ez dela beti espero litekeen edo itxuraz dirudien bezain segurua.

Erabiltzaileak Internet darabilenean gorabeherarik jasan ez dezala LAEk ezin ziurtatu badezake ere, LAEk konturik handiena du bere eragiketa eta sistemetan, ahal den neurrian disfuntziook saihesteko. Izan ere, sistemaren kontzepzioak bermatu egiten du saria dagokien Parte-hartzaileek bakarrik jasotzen dituztela sariok.

Hala ere, LAEk ezin du ezer egin Parte-hartzaile baten datuen edo beste elementu batzuen isilpekotasuna gordetzeko, Parte-hartzaileak berak ez badu bere erabiltzaile izena eta pasahitza isilpean gordetzen. Interneten arriskuak daudenez, LAEk erabiltzaileari autobabes neurri egokiak hartzeko gomendatzen dio, batez ere neurri teknikoak eta jokabidezkoak, nortasuna ordezkatzeko edo komunikazioa urratzeko arriskuen aurrean. Adibide gisa:

• Zure ekipoari dagokionez eta beharrezkoa gertatzen zaizun neurrian, programa informatikoen azken bertsioak erabiltzea gomendatzen da, azken horietan zure datuen isilpekotasuna eta osotasuna babesteko segurtasun neurri hobeak erantsi direlako, eta konfigurazio aukerak berraztertzea: esate baterako, web zerbitzarietan sartzerakoan eskatzen badute, zure nabigatzaileak zuk gura barik zeure erabiltzaile izena, pasahitza edo posta helbidea eman ditzala saihesteko.
• Zure jokabideari dagokionez, LAEren webgunean web helbidea zeuk idatzita sartzeko eskatzen dizugu, eta hiperestekak edo fidatzekoak ez diren gogokoak ez erabiltzeko, zenbait engainu saihesteko, eta ez dezazula inoiz posta elektronikoz edo telefonoz zure sarbide datuak edo datu pertsonalak eman, eta ziur egon zaitezela telefonoz Parte-hartzailearen Arreta Zentroaren zenbakira deitzen duzula.

Harreman kanal hau erabiltzean esperientziarik onena izateko, Parte-hartzaileari baliabide tekniko hauek erabiltzea gomendatzen diogu:

• Nabigatzailea: Internet Explorer 6 edo goragokoa, Mozilla 2.0.0.10 edo goragokoa.
• Gomendatutako pantaila bereizmena: 1.024x768
• Edukietariko batzuk ikusteko, Adobe Flash plugina beharrezkoa izango da:
• Dokumentuetariko batzuk ikusteko beharrezkoa izango da Adobe Reader plugina instalatuta izatea Adobe Reader.
• Zure nabigatzailean Java eta javascript-en aukerak aktibatuta izan behar dituzu.
• Zure nabigatzailearen cookiak gaituta izan behar dituzu.

Ez dago beharkizunik edo murrizketarik erabilitako ordenagailu edo sistema eragileei dagokienez.

5. ERABILTZEKO BALDINTZAK.

Aurrerago adierazten diren jarraibide eta baldintzek arautzen dute Atarirako sarbidea eta Atariaren erabilera.

"Ataria" deitzen den horretan –adibide moduko zerrenda da, ez da inola ere zerrenda itxia– testuak, grafikoak, irudiak, animazioak, musika, bideoak, soinuak marrazkiak, argazkiak, aplikazio informatikoak, datu-baseak, html kodea eta beste lan batzuk eta, oro har, edozein bide edo euskarriren bidez –ukigarria edo ukiezina, gaur egun dagoena edo etorkizunean asmatuko dena– adierazitako sorkuntza guztiak sartzen dira, Jabetza Intelektualari buruzko Legearen Testu Bateginaren edo etorkizunean horren ordez ezar litekeenaren arabera jabetza intelektualekoak izan daitezkeen ala ez alde batea utzita.

5.1. Parte-hartzailearen eskubideak eta betebeharrak.

Pate-hartzaileak honako hau egin ahal izango du:

• Doan eta aldez aurretik baimenik eskatu gabe sar daiteke Atarian erabilgarri dituen eduki eta zerbitzuetan, baldintza tekniko bereziei kalterik egin gabe edo zerbitzu edo eduki espezifikoetan izena eman beharrik izan gabe, baldintza hauetan ezarritakoaren arabera.
• Beretzat erabil ditzake erabilgarri dauden zerbitzuak eta edukiak, zerbitzu eta/edo eduki jakin baten erabilera arautzen duten baldintza berezietan ezarritakoari kalterik egin gabe.
• Gunea zuzen eta egoki erabiliko du, indarrean dagoen legeriaren, moralaren, ohitura onen eta ordena publikoaren arabera. 

Erabiltzaileak inoiz ezingo du honelakorik egin:

• Ezingo ditu guneko zerbitzuak edo edukiak bidegabeki, hirugarrenen eskubideak eta askatasunak zapaltzeko erabili edo baliatu, edo ezingo die LAEren kaltetan hirugarrenei zerbitzu edo eduki horietan sartzea eragotzi edozein modutara.
• Ezingo ditu zerbitzuak, osoa edo zati bat, norberaren eta hirugarrenen informazioa edo publizitatea sustatzeko, saltzeko, kontratatzeko edo hedatzeko erabili aldez aurretik LAEri baimenik eskatu gabe.
• Ezingo ditu bere web-orri partikularretako edo komertzialetako hiperestekak Atarira jotzeko erabili horretarako aurreikusitako baldintzak urratuz.
• Ezingo ditu Atariaren bidez eskainitako zerbitzuak eta edukiak erabilera-baldintza orokorren eta/edo zerbitzu eta/edo eduki jakin baten erabilera arautzen duten baldintza berezien aurka eta gainerako parte-hartzaileen eskubideen kaltetan edo eskubideak gutxietsiz erabili.
• Ezingo du gunean sartzea eragotzi edo zailduko duen edo LAEk edo hirugarrenek Atariaren bidez eskainitako zerbitzu eta edukietara jotzeko hiperesteketako sarbidea oztopatu edo zailduko duen zerbait egin.
• Ezingo du Ataria Interneten sartzeko erabili indarrean dagoen legeriaren, moralaren, ohitura onen eta ordena publikoaren aurkako ekintza bidegabeak burutzeko.
• Ezingo ditu Atarian eskainitako zerbitzuen edo edukien bidez eskura daitezkeen eduki, programa edo sistemetan edo beste erabiltzaileen informazio-sistema, artxibo edo ekipo informatikoetan kalteak edo aldaketak eragin ditzaketen birus informatiko, kode, software, programa informatiko, ekipo informatiko edo telekomunikazio-ekipoak erabili.
• Ezingo ditu LAEren edo Atarian edukiak sartu dituzten titular zilegien babes- edo identifikazio-gailuak, edo LAEk edo eskubideen hirugarren titular zilegiek jabetza intelektualeko edo industrialeko xede diren eta Atarian dauden kreazioetan sartzen dituzten sinboloak era batera edo bestera ezeztatu edo aldatu.
• Ezingo ditu bere ardurapeko edo jabetzako webguneetan LAEren edo hirugarrenen jabetzakoak diren markei, izen komertzialei edo bereizgarriei dagozkien "metatag" delakoak sartu.
• Ezingo du Atari osoa edo zati bat beste gune batean edo beste web-orri batean erreproduzitu, hartarako aurreikusitako baldintzak bete gabe.
• Ezingo dizkie Atariari edo Ataritik eskuratzen diren web-orriei LAEren edo hirugarrenen markak, publizitate-espazioa eta edukiak ezkutatzen edo aldatzen dituzten –adibide moduko zerrenda da, ez da inola ere zerrenda itxia– markoak egin, bidegabeko lehia egiten duten edo nahasketa sortzen duten kontuan hartu gabe.
• Ezingo ditu LAEri aldez aurretik baimenik eskatu gabe orri nagusia edo Atariarenak diren eta Atariaren bidez eskura daitezkeen orriak erreproduzitzen dituzten markoak sortu bere ardurapeko edo jabetzeko webgune batean. 

5.2. LAEren eskubideak.

LAEk honako eskubide hauek ditu:

• Atarira sartzeko baldintzak aldatzekoa, teknikoak izan ala ez izan, alde bakarrez eta parte-hartzaileei aurrez jakinarazi gabe, Atariko zerbitzu eta/edo eduki jakin baten erabilera arautzen duten baldintza berezietan ezarritakoari kalterik egin gabe.
• Baldintza bereziak ezartzekoa eta, hala badagokio, prezio bat edo beste baldintza batzuk eskatzekoa zerbitzu eta/edo eduki jakin batzuetara sartzeko.
• Erabiltzaileen sarbidea mugatu, baztertu edo baldintzatzekoa erabiltzaileen aldetik ez direnean Ataria zuzen erabiltzeko berme guztiak betetzen, erabiltzaileek asumitutako betebeharren eta debekuen arabera.
• Zerbitzu bati amaiera ematekoa edo eduki bat zuzkitzeari uztekoa, kalte-ordaina jasotzeko eskubiderik gabe, zerbitzu edo edukientzat ezarritako baldintzen aurkakoa edo bidegabea denean, Atariko zerbitzu eta/edo eduki jakin baten erabilera arautzen duten baldintza berezietan ezarritakoari kalterik egin gabe.
• Alde bakarrez eta aurrez jakinarazi gabe, eta egoki baderitzo, Atariaren egitura eta diseinua aldatzekoa, eta Atariko edukiak edo zerbitzuak eta Atarian sartzeko eta/edo Ataria erabiltzeko baldintzak, guztiak edo batzuk, eguneratu, aldatu edo kentzekoa, eta informazio hori mugatu edo informaziora sartzea debekatu ere egin dezake.
• Edozein unetan eta aurrez jakinarazi gabe Atarirako sarbidea ukatzekoa Ataria erabiltzeko baldintzak betetzen ez dituzten parte-hartzaileei.
• LAEren eskubideak nahiz bere zerbitzuak edo edukiak Atariaren bidez eskaintzen dituzten hirugarrenen eskubideak babesteko komenigarri jotzen den lege-egintza edo egintza judizial oro abiaraztekoa, baldin eta bidezkoa bada.
• Atariaren bidez eskainitako eduki edo zerbitzu guztiak edo batzuk bidegabeki edo desegoki erabili izanak eragin dezakeen kalte-ordaina eskatzekoa.

5.3. LAEren erantzukizuna salbuestea eta mugatzea.

LAE inoiz ez da kalte-galeren erantzule izango honako arrazoi hauengatik:

• Ezinezkoa izan delako Atarira sartzeko baliatzen den komunikazio-sarera konektatzea, edo zailtasunak izan direlako konektatzeko, erabiltzaileak erabilitako konexio-mota kontuan hartu gabe.
• Atarirako sarbidea eten, bertan behera utzi edo ezeztatu delako, eta Atariaren edo Atariko zerbitzu eta/edo edukien funtzionamenduan jarraipenik edo erabilgarritasunik izan ez delako, baldin eta LAEren eta/edo STLren kontroletik kanpoko arrazoiren batengatik gertatu bada.
• LAEk ez du bere gain hartuko zerbitzuak eskaintzen dituzten hirugarrenek, bereziki informazioaren sozietateko zerbitzuak eskaintzen dituztenek, eskainitako zerbitzuen eta edukien ardurarik, ez zerbitzu eta eduki horietan sartzeko baldintzenik –teknikoak izan edo ez izan– eta erabilgarritasunarenik.
• LAEk inoiz ez du bere gain hartuko LAEri arrotz zaizkion hirugarrenek –informazioaren sozietatearen zerbitzuak eskaintzen dituztenak barne– Atari honetako esteka baten bidez beste Atari batera sartu eta Atari horretan eskaini, erakutsi, helarazi, hartu edo jakinarazitako zerbitzu, produktu, eduki eta informazioak –adibide moduko zerrenda da, ez da inola ere zerrenda itxia– eragin ditzaketen kalte-galeren ardurarik.
• Ez da LAEri arrotz zaizkion hirugarrenek datu pertsonalei emandako tratamenduaren eta erabileraren erantzule izango, ez hauek eskatutako informazioaren bidezkotasunarena ere.
• Ez du bere gain hartuko Atarira sartzeko kalitatearen eta abiaduraren ardura, ez erabiltzaileak Atarian edo Atariko zerbitzu eta/edo edukietan sartzeko bete behar dituen baldintza teknikoena ere.
• LAE ez da Atariko zerbitzu eta/edo edukietan sartzean edo funtzionamenduan izandako atzerapenen edo akatsen erantzule izango.
  •    Parte-hartzailea izango da LAEri, zuzenean edo zeharka, baldintza orokor hauetatik edo Atariaren erabilera arautzen duten bestelako arauetatik eratorritako betebeharrak ez betetzeagatik, eragindako edozein eratako kalte-galeren erantzule.

5.4. Jabetza intelektuala eta industriala.

Erabiltzaileak badaki Atariaren bidez eskainitako edukiak eta zerbitzuak –testuak, grafikoak, irudiak, animazioak, musika, bideoak, soinuak, marrazkiak, argazkiak, ohar guztiak, azalpenak, aplikazio informatikoak, datu-baseak eta html kodea (adibide moduko zerrenda da, ez da inola ere zerrenda itxia)– jabetza intelektualeko legeek babestuta daudela. Atari honen egile- eta ustiapen-eskubidea STLri dagokio. Atariko edukiei dagokienez egile- eta ustiapen-eskubideak LAErenak dira edo, hala balegokio, hirugarren erakundeenak, eta bi kasuetan jabetza intelektualari dagokionez indarrean dauden legeek babesten dituzte.

5.5. Hiperestekak.

Interneteko beste atari bateko beste web-orri batetik LAEren Atariko edozein orritara jotzeko hiperesteka bat egin nahi duten edo egiten duten pertsonek edo erakundeek honako baldintza hauek onartuko dituzte:

• Ez da onartuko Atariko zerbitzu eta edukietako bakar bat ere erreproduzitzea, ez osorik, ez zati batzuk.
• Ez da deep-links, ez IMF estekarik edo irudi-estekarik ezarriko, eta framerik ere ez, Atariko orriekin aurretik LAEren berariazko baimena lortu gabe.
• Ez da Atariko orriei buruzko, ez Atariko zerbitzu eta edukiei buruzko, gezurrezko adierazpen lauso edo okerrik sartuko.
• "Hiperesteka" osatzen duten zeinuak salbu, jasotzen duen web-orriak ez du LAEren inolako marka, izen komertzial, establezimendu-errotulu, izen, logotipo, eslogan edo bestelako bereizgarririk izango, hark berariaz baimendu ezean.
  "Hiperesteka" ezartzeak ez du inplikatuko inolako loturarik izatea LAEren eta hiperestekaren jatorri den atariaren edo web-orriaren titularraren artean.
• Ez da LAErena izango "hiperesteka" baten jatorria den web-orrian edo atarian publikoaren esku jarritako zerbitzuen edo edukien ardura, ezta bertan dauden adierazpen eta informazioena ere.
• LAEren Atarira jotzeko "hiperesteka" orok orri nagusira edo Ataria osatzen duten ataletako orri nagusietara joko dute.  

5.6. Estekak.

LAEk ez du LAEren Atarira jotzeko esteka bidez lotutako hirugarrenen web-orrietako edo zuzenean Atariaren administratzaileak kudeatzen ez dituen orrietako informazioari buruzko inolako erantzukizunik.

5.7. Iraupena eta bukaera.

Atarian eskaintzen den zerbitzuak eta gainerako zerbitzuek iraupen mugagabea dute hasiera batean. Dena den, LAEk baimena du Atariko zerbitzua eta/edo beste edozein zerbitzu edozein unetan bukatutzat emateko edo eteteko, hartarako ezarritako Baldintza Bereziei kalterik egin gabe. Zentzuz posible izango balitz, LAEk aldez aurretik jakinaraziko luke Atariko zerbitzua eta gainerako zerbitzuak bertan behera geratu direla edo eten egin direla.

5.8. Deuseztasuna eta deuseztagarritasuna.

Baldintza orokor hauetako edo, hala dagokionean, zerbitzu eta/edo eduki jakin baten erabilera arautzen duten baldintza berezietako edozein klausula, osoa edo zati bat, deuseztagarria edo deuseza bada, deuseztasun edo deuseztagarritasun horrek ez du eraginik izango beste klausula batzuen balioan, eta eraginkortasun eta balio osoa izaten jarraituko dute deuseztasuna edo deuseztagarritasuna alegatu duen aldeak egiaztatu ezean deuseza edo deuseztagarria jo den klausularik gabe ezingo direla bete baldintza hauekin bete nahi diren helburuak.

5.9. Ezargarri den araudia eta jurisdikzioa.

Baldintza orokor hauek Espainiako legeriaren arabera gauzatu dira. Aldeek, euren eskubidea erabiltzeari berariaz uko eginda, Madril hiriburuko epaitegi eta auzitegietara joko dute sor daitekeen edozein arazo edo gatazka ebazteko.