Loterías y Apuestas del Estado

A misión de Loterías y Apuestas del Estado é pór á disposición dos cidadáns xogos e apostas de titularidade pública no ámbito nacional e internacional, co máis alto grao de integridade, rigor, seguridade e transparencia nun marco de xogo moderado e responsable, mediante unha xestión orientada á satisfacción dos principais grupos de interese (Participantes, Poder Público Regulador, Empregados, Puntos de Venda,…), revertendo os beneficios á Sociedade a través dos Orzamentos Xerais do Estado e doutras vías alternativas de interese xeral ou social.

Loterías y Apuestas del Estado como operadora dos xogos de titularidade pública ten como obxectivo continuar sendo recoñecida como líder no mercado nacional e internacional a través dunha xestión profesional, eficaz e eficiente, optimizando os resultados e a seguridade dos Participantes, mediante a constante adaptación ao seu contorno e mercados, a innovación en tecnoloxía, en canles de comercialización e en produtos a fin de garantir a excelencia empresarial e manter o seu compromiso social.

A responsabilidade, a transparencia, a integridade e seguridade, o rigor, o compromiso e a orientación ao Participante son os valores fundamentais de LAE, que identifican toda a súa actividade e que LAE ofrece e demanda a todos os seus grupos de interese.

En concreto:

• Responsabilidade: para crear, ofrecer, administrar e operar xogos dentro dun marco de xogo moderado e responsable, xa sexan de ámbito nacional ou en colaboración con outros países.
• Transparencia, integridade e seguridade: na xestión dos ingresos, dos premios e de todas as actividades realizadas, para manter e mellorar a confianza que ten a sociedade nos xogos de titularidade pública.
• Rigor: na xestión e control da súa actividade operativa coa maior eficacia e eficiencia, e na loita contra toda práctica fraudulenta.
• Compromiso: con todos os seus grupos de interese, tanto o Estado e os Estados cos que colabora, coma cos Cidadáns que participan nos xogos ofrecidos, os Beneficiarios, os Empregados, a Rede Comercial, os Provedores e a Sociedade en xeral.
• Orientación ao participante: considerando a súa satisfacción como clave, e dedicando esforzos a lograr unha atención máis eficaz das súas necesidades, anticipándose a estas mediante produtos, servizos e canles de venda innovadores e orientando o foco de atención desde o produto cara ás necesidades dos Participantes.