Loterías y Apuestas del Estado-ren misioa joko moderatu eta arduratsu baten ingurugiroan, interes talde nagusiak (parte-hartzaileak, herri aginte arautzailea, enplegatuak, saltokiak) asebetetzera orientatutako kudeaketaren bitartez, osotasun, zehaztasun, segurtasun eta gardentasun maila gorenarekin eremu nazionalean eta nazioartean titulartasun publikoko joko eta apustuak herritarren esku jartzea da, irabaziak gizartera itzul daitezen Estatuaren aurrekontu orokorren bidez eta interes orokor eta gizarte intereseko bestelako hautazko bideen bitartez.

Loterías y Apuestas del Estado-ren helburua, titulartasun publikoko jokoen operatzailea denez, merkatu nazionalean eta nazioartekoan aitzindari aitortua izaten jarraitzea da, kudeaketa profesional, eraginkor eta eragimenekoa eginez, parte-hartzaileen emaitzak eta segurtasuna optimizatuz, ingurunera eta merkatuetara etengabe egokituz eta teknologian, merkaturatzeko kanaletan eta produktuetan berrituz, eta hori enpresa bikaintasuna lortu eta gizarte konpromisoari eutsi nahian.

Erantzukizuna, gardentasuna, osotasuna eta segurtasuna, zehaztasuna, konpromisoa eta parte-hartzailea orientatzea dira LAEren funtsezko balioak, bere jarduera guztia identifikatzen dutenak, eta LAEk bere interes talde guztiei eskaintzen eta eskatzen dizkienak.

Zehazki:

• Erantzukizuna: joko moderatu eta arduratsuaren esparruan jokoak sortu, eskaini, administratu eta operatzeko, bai eremu nazionalekoak bai beste herrialde batzuekin lankidetzan.
• Gardentasuna, osotasuna eta segurtasuna: sarreren, sarien eta egiten diren ekintza guztien kudeaketan, gizarteak titulartasun publikoko jokoetan duen konfiantza mantendu eta hobetzeko.
• Zehaztasuna: bere jarduera operatiboa eraginkortasunik eta eragimenik handienaz kudeatu eta kontrolatzen, eta iruzurrezko ekintza guztien aurkako borrokan.
• Konpromisoa: bere interes talde guztiekin, bai estatuarekin eta lankide den estatuekin, bai eskaintzen diren jokoetan parte hartzen duten herritarrekin, onuradunekin, enplegatuekin, merkataritza sarearekin, hornitzaileekin eta gizartearekin oro har.
• Parte-hartzailea orientatzea: bere asebetetasuna denaren funtsa baita, eta bere beharrei era eraginkorragoan arreta ematea lortzeko ahaleginean, bere beharrei aurrea hartuz produktu, zerbitzu eta salmenta kanal berritzaileen bidez, eta arreta puntua produktutik parte-hartzaileen beharretarantz orientatuz.