Loterías y Apuestas del Estado

Loterías y Apuestas del Estadoko enpresa arloko erakunde publikoaren zuzendari nagusia Ekonomia eta Ogasuneko Ministerioak proposatutako Errege Dekretu bidez izendatu eta bereizi ohi dute Ministroen Kontseiluan.

Zuzendari nagusiak funtzio hauek ditu:

• Enpresa arloko erakunde publikoa ordezkatzea pertsona fisiko edo juridiko guztien aurrean, eta erakundeari bere interesak defendatzeko dagozkion ekintzak eta baliabideak erabiltzea.
• Presidentetza-lanak bere gain dituen kontsultako organoetako bileretan deliberamenduak eta dagozkion gainerako lanak zuzentzea eta bideratzea.
• Loterías y Apuestas del Estado erakundeko enpresa arloko erakunde publikoaren estatutuan xedatutakoa betetzen dela zaintzea.
• Erakundearen zerbitzu eta langile guztien goi mailako buruzagitza-lana betetzea, jarduera guztiak zuzenduz, bultzatuz eta ikuskatuz.
• Gastuak onartzea eta agintzea, betebehar ekonomikoak onartzea eta ordainketa proposatzea.
• Presidenteari bere jardueren eta erakundearen kudeaketan eragina duten gai guztien berri ematea, hori eskatzen zaionean.
• 1984ko abuztuaren 2ko 30/1984 Legeak aurrez ikusitakoa betez, Zuzendaritzako pertsonal funtzionarioaren izendapena eta kargu-uztea bultzatzea.
• Laneko zuzendaritzako pertsonalaren izendapena eta kargu-uztea adostea, Loterías y Apuestas del Estado enpresa arloko erakunde publikoa sortzeari buruzko Errege Dekretuko 28. artikuluak xedatutakoa betez, kontratazioaren bidez 1984ko abuztuaren 2ko 30/1984 Legeko estatutu-erregimenean bilduta ez badago. Era berean, haren esku egongo da erakundeko zuzendaritza arlokoa ez den laneko pertsonala kontratatzea, Estatuko Administrazio Orokorraren Antolaketari eta Funtzionamenduari buruzko Legeko 55. artikuluko 1. atalean ezarritakoa betez. 
• Antolaketako egitura garatzea eta laneko postuen loturak proposatzea.
• Lurralde nazionalean edo atzerrian egin beharreko joan-etorriak edo enpresa arloko erakunde publikoaren egoitzatik kanpo egin beharreko lanak baimentzea. 
• Hitzarmenak adostea eta kontratazioko gaitasunak erabiltzea erakunde publikoaren izenean. 
• Erakundeko jardueren plan orokorrak gauzatzea.
• Loterías y Apuestas del Estado enpresa arloko erakunde publikoarekin lotuta indarrean dagoen araudiak ezartzen dituenak barneko testuinguru juridikoan eta Estatuaren jabetzako jokoen antolaketari eta kudeaketari dagokionean.
• Xedapen aplikagarriek garai batean Patronato de Apuestas Mutuas Deportivas Benéficas izena zuen Administrazioko Kontseiluari eta administratzaile orokorrari eta desagertutako Servicio Nacional de Loteríaseko buruari esleitutakoak.
• Presidentearen bidez, ministroari igortzea legez egokiak diren proposamenak.
• Merkataritzako sarean plangintza eta instalazio egokia ezartzea saltoki eta merkataritzako ordezkaritza berriak sortuz edo beharrezkoak ez direnak kenduz.
• Estatuaren jabetzako jokoen kudeaketa zuzentzea horien merkataritzako errendimendurik handiena lortzeko eta indarrean dagoen araudiaren arabera, Administrazioko beste goi organoren baten onarpena eskatzen ez duten alderdi guztietan arautzeko.
• Kontuen arduradun moduan, kontularitzako informazio egokia eman eta helburu horietarako ezarritako epean eman beharko ditu gero Kontuen Auzitegira bidali beharreko kontuak Estatuko Administrazioaren Kontuhartzailetza Nagusiaren bidez.
• Zehatzeko ahala erabiltzea.
• Berezko zein atxikitako ondasunen eta eskubideen inbentarioa onartzea.
• Araudiaren arabera, hari esleitutako gainerako gaitasunak.

Zuzendari nagusiaren biografia laburra: GONZALO FERNÁNDEZ RODRÍGUEZ jauna.

Leonen jaio zen 1959ko apirilaren 1ean eta Oviedoko Unibertsitatean Zuzenbidean lizentziatua da; Estatuko abokatuen taldeko kidea da.

Estatuaren abokatua izan da Hezkuntza eta Zientzia Ministerioan, Estatuko Zerbitzu Juridikoko Ikerketen Kabineteko zuzendariorde orokorra, Kirol Azpiegituretako eta Kiroletako Kontseilu Goreneko Zerbitzuetako zuzendari nagusia, Estatuaren abokatua Audientzia Nazionalean, eta Caja de Ahorros de Santander y Cantabria aurrezki-kutxako idazkari nagusia izan da. Azken urteotan, Ekonomia eta Ogasun Ministerioko Ogasuneko eta Aurrekontuetako Estatuko Idazkaritzako Estatuko abokatua izan da.

2006ko uztailaren 21eko 901/2006 Errege Dekretu bidez izendatu zuten (ikus atxikitako dokumentua).