Loterías y Apuestas

Como xogar á Lotería Nacional

Inicialmente deberás elixir o sorteo no que desexas participar (sempre hai un mínimo de 4 sorteos dispoñibles á venda).

Despois deberás escoller o número de 5 cifras (décimo) co que desexas participar nese sorteo. Se o desexas, podes seleccionar ti as cifras deste número ou que o sistema o faga automaticamente por ti de maneira aleatoria, poñendo asteriscos nas cifras que non desexas seleccionar. Debes indicar tamén o número de décimos que desexas adquirir (entre 1 e 10).

------------------------------------------------------------------------------------------------------------------

Se escolles un número en concreto, ten en conta que este número pode non estar dispoñible para a venda por venderse xa ou por venderse soamente a través dalgunha das nosas  Administracións de Loterías.

Os décimos xerados son virtuais (nunca che enviaremos o teu décimo en papel, pois estes son vendidos en exclusiva nas administracións de loterías), pero participan nos sorteos nas mesmas condicións que os décimos de papel e coas mesmas probabilidades de gañar premios. A única diferenza é que, se compraches un décimo en papel, deberás presentar este para optar a cobrar posibles premios, mentres que, no caso do décimo en liña, recibirás os teus premios exactamente igual que para o resto de xogos sen necesidade de que presentes nada.

---------------------------------------------------------------------------------------------------------------------

O prezo de cada décimo depende do sorteo no que participe:

• Se é un sorteo do xoves, cada décimo custa 3 €.
• Se é un sorteo ordinario de sábado, cada décimo custa 6 €.
• Se é un sorteo especial de sábado, cada décimo custa 12 € ou 15 €.
• Se é un sorteo extraordinario, cada décimo custa 20 €.

------------------------------------------------------------------------------------------------------------

Terás premio se o teu número (ou algunha das súas cifras) sae escollido no sorteo dentro da distribución de premios que ten ese sorteo previamente establecida: primeiro premio, segundo premio, terminación, aproximación, reintegro…).

Semanalmente e de forma ordinaria celébranse sorteos os xoves e os sábados. Os sorteos especiais substitúen o ordinario dos sábados e celébranse ese mesmo día. Os sorteos extraordinarios celébranse en datas determinadas, por exemplo:

-          O Sorteo do Neno sempre se celebra o día 6 de decembro.

-          O Sorteo de Nadal sempre se celebra o día 22 de decembro.

Lembra que se obtés un premio superior a 2000 €; para que poidamos proceder ao pagamento deberás indicarnos, a partir do detalle da aposta gañadora, a conta bancaria da túa propiedade onde queiras recibir o premio antes de que transcorran tres meses a partir da data da celebración do último sorteo no que participara a túa aposta gañadora.

Se acertas o reintegro (correspondente á última cifra do número no teu décimo), recibirás o valor do décimo xogado para ese sorteo.

Os sorteos teñen lugar xoves ás 21:00 e os sábados entre as 13:00 e as 14:00 horas.

A Lotería nacional ten diferentes posibilidades de acertares segundo o tipo de sorteo en que participes. A continuación mostrarémosche as probabilidades aproximadas de acertares para os sorteos máis habituais e os máis populares:

Sorteo de xoves ordinario (prezo do décimo: 3 €):

Sorteo de sábado ordinario (prezo do décimo: 6 €):

Sorteo de sábado especial (prezo do décimo: 12 €):

Sorteo de sábado extraordinario (prezo do décimo: 15 €):

Sorteo de sábado extraordinario (prezo do décimo: 20 €):

Sorteo do Neno (prezo do décimo: 20 €):

Sorteo de Nadal (prezo do décimo: 20 €):