Loterías y apuestas

Sariak kobratzea

loteriasyapuestas.es-en bi sari mota dago:

• Sari txikiak: apustu-unitate bakoitzeko 2.500 euro baino gutxiago dutenak. Sistemak zuzenean zure Lotobolsan sartzeari ekingo dio, aurrena. Hori eginda, zure Lotobolsak onartutako gehieneko saldoa gainditzen badu -gaur egun 400 €-koa da, jokatzen duen edozeinentzako-, edo saria bera Aukerakatalean zehaztu duzun gehieneko zenbatekoa baino handiagoa bada, sistemak zera egingo du: erabiltzaile-profilean gordeta duzun banku-kontuan zuzenean sartu. Banku-konturik ez baduzu, sistemak ezin izango du transferentzia egin, eta saria Lotobolsan sartuko da. Bertatik banku-kontu batera zuk zeuk deskargatu ahal izango duzu, nahi baduzu. Horrelakoak saihesteko, hots, sistemak sariak automatikoki transferitu diezazkizun, komeni zaizu profilean banku-kontu baliozkoa eta eguneratua sartuta izatea.
• Sari handiak: 2.000 €-tik gorako guztiak; horiek kobratzeko, web orri honen bitartez egin beharko duzu eskaera. Horretarako, sartu banku-kontuaren zenbakia. Profilean konfiguratuta duzuna azalduko zaizu lehen aukera gisa. Gainera, sistemak aldi baterako gakoa emango dizu, eragiketa horretan erabiltzeko. Erabiltzaileentzako Arreta Zentroarekin harremanetan jar zaitez; gako hori eta zure datuak emateko eskatuko dizute. Aldi baterako gakoa galtzen baduzu, edo horrekin arazorik badaukazu, berri bat eskatzeko aukera izango duzu, lehenengoa eskatu zenueneko prozesu berari jarraituta. Egin berri dizutena izango da beti baliozkoa. Jarraibide horiek bete dituzunean, sariaren eskaera abian izango da. LAEri egokituko zaio, orduan, prozesu osoa egiaztatzea eta saria ordaintzea.

Gogoan izan zure burua sisteman erregistratu eta autentifikatu behar duzula sariak eskatu ahal izateko.

LAEren sariengatik ez duzu zergarik ordaindu behar, Pertsona fisikoen errentaren gaineko zergari buruzko legeari jarraiki (I.R.P.F). Informazio gehiago nahi baduzu, zoaz Ohiko galdera honetara: LAEren sariek zer nolako zergak ordaintzea dakarte?