Loterías y apuestas

Asociación Mundial de Loterías (WLA)

La Asociación Mundial de Loterías (World Lottery Association) 1999. urtean sortu zen, garai horretan, nazioarteko esparruan existitzen ziren Estatuko Loterien bi elkarteek bat egitearen ondorioz: Estatuko Loterien Nazioarteko Elkartea (AILE) eta INTERTOTO (International Association of Toto and Lotto Organizations). Aipatutako elkarteek bat egin zuten helburu batekin: Munduko Estatuko Loteriak ordezkatzen zituen nazioarteko elkarte bakar bilakatzeko esfortzuak eta helburuak batzea. Gaur egun aise betetzen duten zeregina, 90 herrialde baino gehiagoren Estatuko Loterien elkartean parte hartzen baitute, bost kontinentekoak.

WLAko balioen kodea honakoan datza: Gizarte Erantzukizun Korporatiboaren estandarrik altuenak lortzeko konpromisoan – Jokoaren Printzipioak eta Erantzukizun Esparrua barne – eta jokoaren produktuak lurralde nazional edo eremu geografiko zehatz baten hiritarrei non eta nola hornitu zehazten duten behar bezala baimendutako sistema legalekiko errespetuan. Horrez gain, elkarteak kideen artean ezagupenak eta esperientziak konpartitzeko konpromisoa bere gain hartu du, eta baita negozioak hobetzekoa ere, interes-taldeen onurako, agintariek jurisdikzio bakoitzean zehazten dutenaren arabera.

WLA, horretarako, funtsezko lau printzipiotan oinarritzen da:

• Erantzukizuna, erantzukizun korporatiboko eta gizarte erantzukizuneko estandarrik altuenekin.
• Osotasuna, gardentasunarekin eta erantzukizunarekin.
• Profesionaltasuna, bikaintasuna kideei, interes-taldeei eskainitako zerbitzuan eta bere jardueretan.
• Berrikuntza eta sormena.

LAEk WLAn era bikoitzean hartzen du parte: Asociación Europea de Loterías elkartearen kide bezala (AELTE) eta Corporación Iberoamericana de Loterías y Apuestas del Estado (CIBELAE) elkartean parte hartzeagatik.

*Informazio gehiago honakoaren web orri ofizialean: WLA.