Loterías y apuestas

Gabonetako Loteriaren historia

Loteria Nacionalaren Gabonetako Ezohiko Zozketaren historiak erakusten duen legez, gure herrialdeko tradiziorik hedatuenetarikoa da. Horregatik du tradizioz eta nostalgiaz beteriko ibilbide luzea. Zozketa Gabonetako ezinbestekoetarikoa da, bere historiak hainbat oroipen dakarkigulako burura, eta ilusioaren eta zorte onaren ikurra delako. Hori horrela, data nabarmengarri hauei erreparatuko diegu:

1812 – Loteria nacionalaren lehen zozketa egin zen. Urte horretan, billetearen prezioa 40 errealekoa zen eta "Gordo"-a 8.000 ogerlekokoa.

1832 – 12.000 zenbaki igorri ziren. "Txikitzat" jotzen zirenak 1etik 4.000ra bitartekoak ziren, "ertainak", 4.001etik 8.000ra bitartekoak, eta "handienak", 8.001etik 12.000ra bitartekoak.

1837 – Diru-kopuru bereko bi lehen sari eman ziren.

1892 – Gabonak partean egindako zozketa "Gabonetako Zozketa" deitzeari ekin zitzaion.
Urte horretako Gabonetako zozketa abenduaren 23an egin zen.

1897 – Dezimoetan “Gabonetako Zozketa” izenburua agertu zen lehen aldiz.

1938 – Bi zozketa egin ziren, bata Bartzelonan eta bestea Burgosen, Gerra Zibilaren ondorioz.

1942 – Billeteak Diruaren eta Zerga zigiluaren Fabrika Nazionalean inprimatzen hasi ziren.

1957 – Telebistan emandako lehen zozketa egin zen. Ordura arte irratian entzun edo prentsan irakurtzen zen.

1974 – Loteria Nacionalaren zozketak informatizatu ziren.

1984 – Zozketaren historian neskek lehen aldiz parte hartu zuten, San Ildefonso Ikastetxea zentro mistoa bilakatu zelako.

2002 – Zozketa eurotan abestu zen lehenengoz.

2006 – Bola gehiagorentzako edukiera duen loteria-ontzia estreinatu zen.

Zortearen umeak

Gabonetako Zozketan jendea San Ildefonso Ikastetxeko umeak ikusteko irrikan egoten da. Zenbaki sarituak abesteko ardura dutenak dira eta denek espero dute haien eskuetan beren zenbakia egotea aberats bihurtzeko.
San Ildefonso Ikastetxeak tradizio luzea dauka: 1543. urtean, Carlos V.ak Zedula Erreala eskaini zion Ikastetxeari bere xedeetarako ondasun gisa erabil zezan.
1771ko martxoaren 9tik aurrera ikastetxeko umeek Loteria Nacionalaren zozketetako zenbakiak abesteko ardura dute. Zehazki, ikastetxearen historiako lehen esku-hartzea Diego López umearena izan zen. Ikasle zaharren elkarteko kideen esanetan, “(…) horietako bat (bolak) ausaz hartuz, soinutxo xelebreaz abestu eta publikoari aurkeztu zion. Ondoren, ezpainetara eraman eta gozoki musu eman zion…”

Ia bi mende geroago, 1984an, neskek parte hartu zuten lehen aldiz Gabonetako Zozketaren historian, ikastetxea misto bilakatu eta gero.