Loterías y apuestas

loteriasyapuestas.es-en duzun Erabiltzaile Erregistroaren egoera, une honetan

Indarrean dagoen araudiaren arabera, eta loteriasyapuestas.es-en aritzeko Joko Kontratuan ezarritakoaren arabera, zure Erabiltzaile Erregistroaren egoerak zuzenean eragiten du gure webguneko jokoetan izan dezakezun parte-hartzean, baita Erabiltzaile Kontuaren inguruan egin ditzakezun eragiketetan ere.

Hona hemen egoera posibleen zerrenda:

• ZUZENA: zure Erabiltzaile Erregistroa ongi dago. Erakunde eskudunak ezarritako nortasuna egiaztatzeko prozesuak behar bezala gainditu dituzu, baita Joko Kontratuan jasotako baldintza guztiak ere. loteriasyapuestas.es-en ohiko legez aritzeko aukera duzu
• NORTASUNA EGIAZTATU GABE: ezin izan dugu egiaztatu zure datu pertsonalak zuzenak direla eta adin nagusikoa zarela, erakunde eskudunarekin. Izan liteke zuk emandako datuak eta NAN edo Atzerritarren Identifikazio Txartelean agertzen direnak bat ez etortzea; edo, bestela, arazo teknikoren bat gertatu izana. Nortasuna egiaztatzen ez duzun artean, araudia betetzeko, webguneko jokoetan parte hartzea galarazi behar dizugu. Kontsultatu zure kasurako zer-nolako laguntza eman diezazukegun, edo jar zaitez gurekin harremanetan argibiderik behar baldin baduzu
• DEBEKU SUBJEKTIBOA: zure nortasuna behar bezala identifikatuta dagoen arren, erakunde arautzaile eskudunaren arabera, Jokoa arautzen duen maiatzaren 27ko 13/2011 Legeari jarraiki, gure jokoetan sartzeko debeku subjektiboa ezartzen duten egoeretako batean zaude. Halako egoera batean egongo zara, baldin eta... a) zuk zeuk edo lehen mailako senide batek SELAErekin nolabaiteko lotura badu; edo b) jokoan aritzea galarazita dutenen Erregistro Orokorrean (RGIAJ) sartuta bazaude (erregistro hori jokoaren arloan eskudun den erakunde erregulatzaileak kudeatzen du). Beraz, egoera horietan, indarrean dagoen araudiaren arabera, eta zuk izenpetutako Joko Kontratuan ezarritakoaren arabera, loteriasyapuestas.es-en egin ditzakezun eragiketak murriztera behartuta gaude; besteak beste, ezin izango duzulako apusturik egin, ezta saririk jaso ere. Akatsen bat gertatu dela edo jada esandako egoeretako batean ez zaudela uste baduzu, jar zaitez gurekin harremanetan.