Loterías y apuestas

Parte-hartzailearen nortasuna egiaztatzeari buruzko politika

Jokoa Arautzeari buruzko maiatzaren 27ko 13/2011 Legeari eta hori garatzen duten erregelamenduei jarraiki, Sociedad Estatal de Loterías del Estadok loteriasyapuestas.es webguneko jokoetan parte hartzen dutenen nortasuna egiaztatzeko politika zorrotza ezartzen du. Horren arabera, parte-hartzaile orok zenbait datu pertsonal eman beharko ditu (izen-abizenak, IFZ/AIZ eta jaioteguna); nahitaez, datuok egiazkoak izan beharko dira, eta parte-hartzailea adin nagusikoa izan beharko da. Parte-hartzailearen nortasuna eta adina unean egiaztatuko dira, jokoen erakunde arautzaile eskudunarekin konexio segurua on-line egitean. Ondore horietarako, ezinbestekoa da Erabiltzaile Erregistroan sartu dituzun datuak eta Nortasun Agiri Nazionalean edo Atzerritarren Identifikazio Txartelean agertzen direnak guztiz bat etortzea, jarraian azaltzen den legez:

• IZENA, LEHEN ABIZENA, BIGARREN ABIZENA, IFZ/AIZ eta JAIOTEGUNA guztiz bat etorriko dira, zure NAN edo Atzerritarren Identifikazio Txartelean agertzen diren datuekin
• Letra larriak edo xeheak berdin-berdin erabil daitezke; sistemak ez ditu bereizten
• Profilean zuri ez dagokizun IFZ/AIZ adierazi baduzu, orain duzu hori zuzentzeko aukera. Gogoan izan ezin duzula marratxo edo zuriunerik utzi
• Zure nortasun agirian bigarren abizena azaltzen bada, hori ere profilean sartu behar duzu. Kontrako kasuan, utzi eremu hori bete gabe
• Izen edo abizen konposatuak badituzu, kontuz tarteko zuriunekin; utzi bakarrik beharrezkoak direnak. Jarri izenen arteko marratxoak nortasun agirian agertzen diren moduan
• Mota honetako laburdurak, 'Mª José', 'J.Ramón', 'Fco. Javier' eta parekoak, nortasun agirian hala agertzen direnean baino ez dira erabiliko. Bestela, baliteke horren ondorioz akatsen bat gertatzea

Zure nortasuna egiaztatzen ez den bitartean, Erabiltzaile Erregistroan honako egoera hau agertuko da: NORTASUNA EGIAZTATU GABE. Ildo beretik, kasuan kasuko murrizketak ezarri ahalko dira, zure Joko Kontratuan zehaztutakoaren arabera bidezkoa denean.