Loterías y apuestas

Erabiltzaile berria bazara...

Loterías y Apuestas del Estado enpresa erakunde publikoa da, Estatuaren Administrazio Orokorraren Antolaketa eta Funtzionamenduaren apirilaren 14ko 6/1997 Legearen 43.1.b) artikuluan jasotakoetarikoa, Ogasunaren eta Aurrekontuen Estatu Idazkaritzaren bitartez Ekonomia eta Ogasun Ministerioari atxikia. LAEren helbidea da:Poeta Joan Maragall kalea 53, 28020 Madril; eta IFK, Q2826028I. LAEren eginkizuna eremu nazionaleko loteriak eta jokoak, kirol apustuak eta ongintzazkoak, edozein modalitatetan, eta kirol ekitaldien emaitzen gainean egiten diren pronostiko lehiaketa guztiak kudeatu eta merkaturatzea da.

Ekonomia eta Ogasun Ministerioaren uztailaren 20ko 2566/2005 Aginduak esku ematen dio Loterías y Apuestas del Estado-ri produktuak interneten bidez edo bestelako baliabide interaktiboak erabiliz merkaturatu eta ustiatzeko, besteak beste www.loteriasyapuestas.es web orrialde ofizialaren bidez.

Interneten apustuak segurtasunez egiteko aukera eskaintzen dizugu, eta bestelako informazio zerbitzuak ere bai.

Espainiako Estatuan ofizialkideak diren hizkuntzen artean aukeratu ahal izango duzu komunikaziorako erabili nahi duzun hizkuntza.

LAEren joko hauetan egin ahal izango dituzu apustuak Interneten:

• La Primitiva
• Euromillones
• El Gordo de la Primitiva
• La Quiniela
• El Quinigol
• Lototurf
• Quíntuple Plus

Interneten apustuak egin ahal izateko, erregistratze prozesua jarraitu beharko duzu eta zure informazio pertsonala eman beharko diguzu. Erregistratzeak parte-hartzaile bihurtzen zaitu. Aukera hau 18 urtetik gorakoek baino ezingo dute erabili, eta, mugaz gaindiko apustuak saiheste aldera, erabiltzailearen bizilekua Espainian dagoela egiaztatuta geratu behar da. Informazio hori sarien ordainketa bermatzeko, transakzioen segurtasuna bermatzeko eta komunikazio ona eta webgunearen kudeaketa ona lortzeko behar da. LAEk zure datuen pribatutasuna bermatzen du, datu pertsonalak babesteko abenduaren 13ko 15/1999 Lege Organikoan eta araudi osagarrian ezarritakoa beteaz. Segurtasun neurririk aurreratuenak ezarri ditugu zure informazioa babesteko eta jokoaren garapena bermatzeko.

Jokatu ahal izateko zure Lotobolsa (diru zorro elektronikoa) kargatu beharko duzu Kreditu/Zor txartelaren bidez edota zure banku elektronikoaren bitartez egindako transferentzia baten bidez. Txartelaren bidezko ordainketa aukeratuz gero, gomendatzen dizugu erregistratzeko prozesua osatu ondoren azalduko zaizun “Lotobolsa kargatu” aukeran “Interneteko ordainketa segurua” hautatzea.

LAEk zerbitzu horietako bategatik ere ez du komisiorik kobratzen. Zuk apustuaren balioa baino ez duzu ordainduko, lurralde nazional osoko Merkataritza Sareko gure edozein saltokitan egingo bazenu bezala.

Saria zure Lotobolsan ordainduko da 5.000 euro baino gutxiagoko saria bada, eta, zeuk esaten diguzun kontu korrontean, saldo hori gainditzen badu. Horrela, ez da bitartekaririk egongo zure eta LAEren artean.

Berariaz eskatzen baduzu, sarien informazioa, boteen informazioa eta begietsitako sariena zure helbide elektronikoan edo mugigarrian zuzenean jasotzeko aukera eskaintzen dizugu zuretzat inolako kosturik izan gabe.

Joko zerbitzu hauez gain, atariak eskaintza erabilgarri asko ditu, hala nola, emaitzen informazioa, txartela egiaztatzea, saltokiak bilatzea, joko estatistikak, emaitza historikoak eta abar; bai atarian parte-hartzaile gisa erregistratuta bai, gurago baduzu, gure webgunearen bisitari gisa izan ahal izango dituzu.

Oraindik ez bazara www.loteriasyapuestas.es webgunearen erabiltzaile gisa erregistratu, eta eskaintzen zaizkizun zerbitzuak erabili nahi badituzu, beste ezer egin aurretik erabiltzaile gisa erregistratuko zara. Prozesuan zalantzaren bat sortzen bazaizu, informazio xehatua eskaintzen dizun laguntza-atal bat duzu. Hala eta guztiz ere, galderaren baten erantzunik aurkituko ez bazenu, gure Erabiltzailearen Laguntza Zentroarekin harremanetan jar zaitezke 902 48 18 18 telefonoan edo mezu bat idatziz
 “Jar zaitez gurekin harremanetan /Harremana” atalean.