Loterías y Apuestas

Segurtasuna

LAEk kanal berri hau jartzen du Parte-hartzailearen esku, ofizial bakarra Interneten, saltokietako betiko operazioen berme eta funtzionaltasun berberak dituela.

Zure erosketaren berrespena berehala igortzen da joko sistema zentralekin linean, eta berrespen hori jaso ondoren, ziur jakingo duzu zure konbinazioak eta pronostikoak zozketa edo sariketan parte hartzen dutela, LAEren bermearekin.

LAEk ezin du inola ere bermatu jendeak kudeatzaile autonomoei agintzen dizkien erosketa aginduen amaiera ona.

LAEk segurtasunez zaintzen eta prozesatzen ditu, muturretik muturrera, Parte-hartzailearen datu pertsonalak, bere bankuko datuak eta kreditu txartelarenak, ordainketen transakzioak eta sarien kobrantzenak, eta osotasuna (informazioa ez dadila hondatu), isilpekotasuna (jakin behar duenak bakarrik jakin dezala) eta eskuragarritasuna (behar denean eskuragarri egon dadila) ziurtatzen ditu.

Zenbait xehetasun:

• Parte-hartzailearen tresnatik LAEren internet instalazio teknikoetaraino igarotzen den informazio guztia zifratuta igarotzen da, ohiko eskemari jarraituz (interneteko nabigatzailean oinarrituta, “SSL” protokolo kriptografikoa erabiliz, nabigatzailearen giltzarrapoa aktibatzeko); eskema hori Dibisa eta Zigilu Fabrika Nazionalak (FNMT) LAEren izenean jaulki duen zerbitzari ziurtagiria erabiliz aktibatzen da.
• Txartelarekin ordaintzeko sistemak “Interneten bidezko Ordainketa Segurua” erantsi du, 3DSecure izenez ere ezaguna, eta horrek ziurtatu egiten du soilik eta bakarrik txartelaren titularrari ordaintzen zaiola.
• Web aplikazioa zure ordenagailuan transmititutako informazioaren aztarnak uztea saihesteko diseinatu denez, edozein lekutatik sara zaitezke zerbitzuan, hasiera batean, beldurrik gabe. Hala ere, tresna baliteke bisitatutako orrialdeak, idatzitako pasahitzak eta abar gordetzeko konfiguratuta egotea. Aditua ez bazara, zerbitzua zeure konfiantzako tresnetatik bakarrik erabiltzea gomendatzen dizugu.
• Web aplikazioak letra “zailak” identifikatzeko eskatzen duen sarrera kontrolbidea erabiltzen du, inork ez zaitzan erraz ordezkatu. Ezerosotasun txiki horrek zure datuak eta zerbitzua babesten zeharo laguntzen du.
• Informazio guztiaren zaintza LAEren instalazioetan egiten da eta erabilgaitasun handiko tresnen eta komunikazioen bidez erregistratu eta prozesatzen da, beti egon dadin haren zerbitzuan.
• Parte-hartzailearen arreta Parte-hartzailearen Arreta Zentrotik ematen dute LAE taldeko jokoetan espezializatutako pertsonek eta hertsiki kontrolatutako eta automatizatutako prozedurak jarraituz; horregatik ziurtatzen da informazioa behar den baldintzetan babesten dela.
• Hori guztia operatiba profesionalean oinarrituta, informazioaren segurtasuneko (ISO 27mila eta WLA-SCS:2006) eta kalitatea kudeatzeko (ISO 9000) estandarrik modernoenekin bat etorriz.

Aurrekoa gorabehera, LAEk Interneteko erabiltzaileei gogoratzen die Internet ez dela beti espero litekeen edo itxuraz dirudien bezain segurua.

Parte-hartzaileak Internet darabilenean gorabeherarik jasan ez dezala LAEk ezin ziurtatu badezake ere, LAEk konturik handiena du bere eragiketa eta sistemetan, ahal den neurrian disfuntziook saihesteko. Izan ere, sistemaren kontzepzioak bermatu egiten du saria dagokien Parte-hartzaileek bakarrik jasotzen dituztela sariok.

Hala ere, LAEk ezin du ezer egin Parte-hartzaile baten datuen edo beste elementu batzuen isilpekotasuna gordetzeko, Parte-hartzaileak berak ez badu bere erabiltzaile izena eta pasahitza isilpean gordetzen. Interneten arriskuak daudenez, LAEk Parte-hartzaileari autobabes neurri egokiak hartzeko gomendatzen dio, batez ere neurri teknikoak eta jokabidezkoak, nortasuna ordezkatzeko edo komunikazioa urratzeko arriskuen aurrean. Adibide gisa:

• Zure ekipoari dagokionez eta beharrezkoa gertatzen zaizun neurrian, programa informatikoen azken bertsioak erabiltzea gomendatzen da, azken horietan zure datuen isilpekotasuna eta osotasuna babesteko segurtasun neurri hobeak erantsi direlako, eta konfigurazio aukerak berraztertzea: esate baterako, web zerbitzarietan sartzerakoan eskatzen badute, zure nabigatzaileak zuk gura barik zeure erabiltzaile izena, pasahitza edo posta helbidea eman ditzala saihesteko.
• Zure jokabideari dagokionez, LAEren webgunean web helbidea zeuk idatzita sartzeko eskatzen dizugu, eta hiperestekak edo fidatzekoak ez diren gogokoak ez erabiltzeko, zenbait engainu saihesteko, eta ez dezazula inoiz posta elektronikoz edo telefonoz zure sarbide datuak edo datu pertsonalak eman, eta ziur egon zaitezela telefonoz Parte-hartzailearen Arreta Zentroaren zenbakira deitzen duzula.