Azken sarrera: Saioa: - Azken sarrera:

Gabonetako Loterian jokatzea





Hasieran, Gabonetako Loteriaren zozketa hautatu beharko duzu (beti gutxienez 4 zozketa daude salgai).

Ondoren, zozketa horretan parte hartzeko erabili nahi dituzun 5 zifra hautatu beharko dituzu. Nahi baduzu, zuk hauta ditzakezu zenbaki horretako zifrak edo sistemak automatikoki egin dezake zure ordez ausaz, hautatu nahi ez dituzun zifretan izartxoak jarriz. Halaber, zenbat dezimo erosi nahi dituzun adierazi behar duzu (1 eta 10 artean).


Zenbaki zehatz bat hautatzen baduzu, kontuan izan balitekeela zenbaki hori salgai ez egotea, dagoeneko saldu delako edo gure Loteria Administrazioetako baten bidez soilik saltzen delako.

Sortutako dezimoak birtualak dira (inoiz ez dizugu dezimoa paperean bidaliko, horiek soilik Loterien Administrazioetan saltzen baitira), baina zozketetan paperezko dezimoen baldintza beretan parte hartzen dute eta sariak irabazteko aukera berekin. Alde bakarra da dezimo bat paperean erosi baduzu, hori aurkeztu behar duzula izan ditzakezun sariak kobratzeko; online kasuan, ordea, zure sariak gainerako jokoen kasuan bezala jasoko dituzu, ezer aurkeztu beharrik izan gabe.


Dezimo bakoitzak 20 € balio du.


Saria izango duzu zure zenbakia (edo zifretako batzuk) zozketan hautatua izan bada zozketa horrek aldez aurretik ezarrita duen sarien banaketaren barnean: lehen saria, bigarren saria, amaierakoa, hurbilketa, jokatutakoa, sari txikia…).

Aparteko zozketa hori abenduaren 22an egiten da.

Gogoratu 2.500 €-tik gorako saria lortzen baduzu, kobratu nahi duzun banku-kontua egiaztatu beharko duzula zure apustu sarituak parte hartutako azken zozketa egiten den egunetik hiru hilabete pasa baino lehen.

Jokatutakoa asmatzen baduzu (zure dezimoko zenbakiaren azken zifrari dagokiona), zozketa horretarako jokatutako dezimoaren balioa jasoko duzu.