Loterías y Apuestas

Acceso

A páxina de identificación permitirache acceder ás zonas privadas de usuario, así como realizar apostas. A través desta páxina, autentícaste como participante no portal. Para iso, primeiro deberás estar rexistrado como usuario previamente.

Se xa es usuario do portal loteriasyapuestas.es, para acceder, ademais de indicar o teu correo electrónico/NIF/NIE e o teu contrasinal, agora será necesario indicar un dobre factor de autenticación. Este dobre factor incluíuse para incrementar a seguridade no acceso conforme ao requirido polo Esquema Nacional de Seguridade.

Explicámosche os dous escenarios que se poden dar cando intentas autenticarte, segundo teñas un número de teléfono configurado no teu perfil ou non.

A) Se tes un número de teléfono móbil no teu perfil, terás que realizar 2 pasos.
B) Se non tes un número de teléfono móbil no teu perfil ou non tes acceso ao teu dispositivo móbil, terás que realizar 5 pasos.

A) Teño un teléfono móbil no meu perfil (2 pasos)

Se tes un teléfono rexistrado no teu perfil, ademais de indicar o usuario/contrasinal, tamén será necesario indicar un código que che enviaremos por SMS ao teu teléfono móbil.

1º) Indicar usuario e contrasinal

                             

 

2º) Indicar o código recibido por SMS

Unha vez indicados correctamente o usuario e o contrasinal, recibirás un código por SMS no teu teléfono móbil.

 

Unha vez introducido correctamente o código recibido por SMS, accederás á páxina coa listaxe das túas apostas.

Ao acceder indicando o código recibido por SMS, durante un tempo (varias semanas) só necesitarás indicar usuario/contrasinal para acceder. Pasado este tempo, enviarémosche un novo código por SMS ao teu teléfono móbil.

B) Non teño un teléfono móbil no meu perfil (5 pasos)

Se non tes un teléfono móbil rexistrado no teu perfil ou se o perdiches ou foi roubado, de maneira excepcional e só para un número moi limitado de intentos, poderemos enviarche este código ao teu correo electrónico.

Se escolles que cho enviemos por correo electrónico, se tivese un teléfono móbil no teu perfil, borrarase, e unha vez introducidos o usuario/contrasinal e o código recibido por correo, terás que indicar un número de teléfono móbil se queres realizar apostas ou cargar a túa Lotobolsa.

1º) Indicar usuario e contrasinal

 

2º) Solicitar o envío do código por correo electrónico

 

                     

 

 

3º) Confirmar a recepción do código e autorizar a eliminación do teléfono móbil

 

 

 

Iniciarase unha conta atrás de 10 segundos, tras a cal se habilitará o botón Si.

 

 

Unha vez finalice o contador, debes premer o botón SI.

 

 

 

 

 

4º) Indicar o código recibido por correo electrónico

 

 

 

5º) Indicar un número de teléfono móbil no teu perfil

Unha vez introducido correctamente o código recibido por correo electrónico, debes indicar un número de teléfono móbil. En caso contrario, non poderás realizar apostas nin cargar a túa Lotobolsa.