Loterías y Apuestas

Identitate-egiaztapenaren politika

13/2011 Legeari, maiatzaren 27koari, Jokoaren Arauketarena, eta garatzen duten arautegiei jarraikiz, Loterías y Apuestas del Estado Estatuko Elkarteak loteriasyapuestas.es webgunearen bitartez jokoetan parte hartzen dutenen nortasuna egiaztatzeko politika zorrotz bat aplikatzen du. Partaide orok benetako datu pertsonalak (izen-abizenak, IFZ/AIZ eta jaiotze-data) eman behar ditu eta adinez nagusia izan behar du. Parte-hartzailearen nortasuna eta adin-nagusitasuna linean egiaztatuko da, jokoaren arloan eskuduna den erakunde arautzailearekiko konexio seguru baten bidez. Helburu hauetarako, zure Erabiltzailearen Erregistroko datuek Nortasun Agiri Nazionaleko edo Atzerritarraren Identifikazio Txarteleko datuekin zehatz mehatz bat etorri behar dute, era honetan:

• IZENA, LEHEN ABIZENA, BIGARREN ABIZENA, IFZ/AIZ eta JAIOTZE-DATA zure NAN edo Atzerritarraren Identifikazio Txarteleko datuen berdin-berdinak izan behar dira.
• Ez dio axola maiuskulak edo minuskulak erabiltzen dituzun, sistemak ez ditu bereizten.
• Zure profilean zurekin bat ez datorren IFZ/AIZ bat adierazi bazenuen, jada zuzendu dezakezu. Ez idatzi gidoiak edo espazioak
• Zure nortasun-agirian bigarren abizen bat ageri bada, zure profilean ere gehitu egin beharko duzu. Halakorik ez balego, zuriz utzi.
• Izen edo abizen konposatuak badituzu, erabili banaketa-espazio zehatzak eta zure nortasun-agiriaren arabera egokiak diren gidoiak bakarrik.
• 'Mª José', 'J.Ramón', 'Fco. Javier’ gisako laburdurak zure nortasun-agirian hala agertzen badira soilik erabil daitezke, bestera erroreak eragingo dituzte.

Gainera, gaur egun indarrean dagoen araudiak, eman dizkiguzun datu pertsonalak dokumentuen bidez egiaztatzera derrigortzen gaitu: deskarga bat egin edo zure bankuko kontuan sari bat kobratu behar baduzu, edo 2019/3/28tik egindako karga guztiak batuz, 150 €-tik gorako zenbatekoa kargatu behar baduzu.

Horretarako, Dokumentuen bidezko Nortasunaren Egiaztapen-Prozesuan sartu beharko duzu, gure web Plataformako Datu Pertsonalen orrialdearen bitartez, edo gure aplikazio ofizialen bidez (iOS eta Android).

Zure dokumentazioa automatikoki egiaztatzeko bi aukera dituzu:

1) Kamera duen gailu mugikor batekin abiarazi dezakezu, hau egiteko aukera ematen diguna:

• Zure NAN/AIZren bi aldeen argazki bana.
• Zure aurpegiaren bideo bat

2) Zure PC edo edozein gailu mugikorretik ere abiarazi dezakezu, hau erantsiz:

• Zure NAN/AIZren bi aldeen argazki bana.
• Zure aurpegiaren kalitate oneko argazkia.
  
  

Gure prozesuak, automatikoki, aurkeztutako informazioa erregistratze-prozesuan adierazitako datu pertsonalekin bat datorrela egiaztatuko du, edo dokumentuen bidez informatutako datuekin eguneratuko dira. Une horretatik aurrera, kargei, deskargei eta sarien ordainketei dagozkien mugak kenduko dira.

AIZ batekin erregistratzen bazara eta argazkirik gabeko nortasun-agiri bat baduzu, Dokumentuen bidezko Identitatearen Egiaztapen-Prozesu automatikoan zehar, aurkezten ari zaren dokumentua zure nortasuna egiaztatzeko nahikoa ez dela ikustean, nola jokatu azalduko dizugu eta zure identitatearen egiaztapena eskuz egin ahal izango duzu.

Zure nortasuna eta datu pertsonalak berretsi arte, zure erabiltzaile-erregistroa Identitatea Egiaztatu Gabe egoeran egongo da eta mugak aplikatuko dira, zure Jokoaren Kontratuan eta indarrean dagoen araudian ezarritakoaren arabera.

Esteka honetan, dokumentuen bidezko identitatearen egiaztapenari buruzko informazio gehiago duzu