Último acceso: Sesión: - Último acceso:

Como verifico a miña identidade?

PREGUNTAS FRECUENTES SOBRE VERIFICACIÓN DOCUMENTAL DE IDENTITADE

Por que teño que verificarme documentalmente para continuar xogando na web de Lotarías y Apuesas del Estado e non cando vou presencialmente a un punto de venda?

A regulación do xogo por internet de  31 de octubre de 2018 que afecta aos xogadores rexistrados previamente ao 30 de marzo de 2019 en calquera web de xogo online con licenza en vigor (Loterías del Estado entre eles) así nolo esixe, dado que é requisito imprescindible estar identificado para participar no xogo online en España. Esta normativa non afecta o xogo presencial onde non é necesario identificarse para participar.

Recibín un correo indicándome que debo verificar a miña identidade rexistrada na web para poder continuar participando. É isto certo?

No caso de que cumpra algún dos seguintes requisitos, debe verificar documentalmente a súa identidade para poder continuar participando no xogo online:

  • Realizar, sumadas todas as operacións, un volume de cargas de lotobolsa (conta de xogo en Loterías del Estado) que somen máis de 150 € contándose desde o 30 de marzo de 2019 até a data en vigor.
  • Querer realizar unha descarga de fondos dende a súa lotobolsa á súa conta bancaria.
  • Solicitar o cobro dun premio na súa conta bancaria rexistrada.
  • Alcanzarse a data de caducidade dalgún dos documentos presentados anteriormente para verificar documentalmente a súa identidade.

Ademais SELAE poderá requirir que exista unha verificación documental de identidade exitosa e recente naqueles casos que considere necesarios nas súas accións de loita contra a fraude e o branqueo de capitais.

¿Que significa que «efectúe cargas na lotobolsa por un importe conxunto maior a 150 € en todas as realizadas desde o 30 de marzo de 2019»?

A normativa esixe que o volume total monetario que se pode cargar na web do xogo dun operador de xogo en liña sen ter verificados documentalmente os seus datos persoais non supere os 150 € desde que se publicou esta normativa, o que aconteceu no 30 de marzo de 2019. Así, un xogador que realice desde esa data 3 cargas de 50 € (en total 150 €) precisará verificar documentalmente a súa identidade para poder realizar outra carga, mentres que se outro xogador realizase desde esa data tres cargas de 49 € (en total 147 €) poderá realizar aínda outra cuarta operación de carga por un máximo de 3 € ata que lle sexa obrigatorio verificarse. En calquera dos casos, o diñeiro almacenado na lotobolsa pode apostarse sen ningún tipo de restrición en calquera momento.

Está en consonancia a verificación de identidade cos meus dereitos de protección de datos?

Este proceso cumpre coa normativa de protección de datos. Nótese en particular que:

    • As imaxes de DNI e imaxes/vídeo de rostro empréganse para verificar a súa coincidencia entre elas e asegurar o xogo responsable para o cumprimento dunha obrigación legal, mediante un proceso de análise biométrico "un a un" que non require o seu consentimento.
    • Sempre pode exercer un dereito de supresión, que levaría bloqueo dos datos (suspensión de todo tratamento salvo aqueles derivados de obrigación/defensa legal), e posterior eliminación irreversible definitiva tras os prazos de conservación establecidos, aínda que devandito bloqueo leva baixa no servizo. Manter o servizo activo é incompatible coa supresión dos datos.

Podo verificarme a través do meu computador persoal ou debo utilizar exclusivamente un móbil?

É posible verificarse documentalmente a través dun computador persoal, seguindo o procedemento establecido para iso e accesible desde o menú Os meus Datos -> Datos Persoais. Este procedemento é manual e require a subida da documentación á web de SELAE a través dun formulario.

A través do móbil o proceso é automatizado (dado que este tipo de dispositivos adoitan incorporar cámaras máis sofisticadas e con mellores prestacións que as dos computadores persoais, garantíndose uns mínimos para que o proceso finalice de maneira exitosa) incluíndo escaneos da documentación que se soben directamente á web ou á App oficial de venda de SELAE.

Non teño teléfono con conexión a Internet. Como podo solucionar o envío de datos?

Nestes casos cómpre acceder a  www.loteriasyapuestas.es  cun móbil con acceso a Internet (aínda que non sexa o propietario) e autenticarse cos datos persoais na nosa web para acceder ao proceso e finalizado convenientemente. Este proceso pódese realizar con practicamente calquera dispositivo móbil ou tableta con acceso a Internet, sexa iOS ou Android.

Por que ademais do DNI/NIE solicitan que realice un vídeo onde apareza a miña cara?

Coa documentación só podemos asegurar que os teus datos son os correctos contrastándoos cos que temos rexistrados na túa conta de xogo, pero non poderiamos garantir que é realmente o propietario do documento que realiza a acción e que non existe por tanto suplantación de identidade. Mediante o vídeo comprobaremos estes aspectos (a partir do recoñecemento da foto do DNI/NIE cunha imaxe extraida do vídeo). Este tratamento biométrico dos teus datos axúdanos a protexerche como consumidor, e especialmente a evitar o xogo de menores e xogadores con consumos excesivos.

Teño un iPhone, como me verifico?

Tes dúas posibilidades a escoller:

  • Aínda que non é imprescindible, a maneira máis rápida é descargando a  App oficial de Loterías de Apple Store (e realizar o proceso desde a ligazón a «Ver perfil» dispoñible no menú e premendo en «Verificar identidade».
  • Tamén podes verificarte accedendo co teu navegador habitual (preferiblemente Chrome ou Safari) á nosa páxina web www.loteriasyapuestas.es, autenticándote e accedendo no menú de «Datos persoais» ao botón de «Verificar identidade» para iniciares o proceso.

Teño un iPhone, como obteño a APP oficial de Loterías?

Chega con accederes a   Apple Store, buscar, descargar e instalar a nosa aplicación («Loterías y Apuestas del Estado»). A ligazón tamén se encontra dispoñible na nosa web, no pé de pantalla  («Dispoñible na App Store»).

Teño un Android. como me verifico?

Tes dúas posibilidades a escoller:

  • Aínda que non é imprescindible, a maneira máis rápida é descargando o ficheiro que contén a nosa App oficial de Loterías desde o pé de pantalla da nosa web («Dispoñible para Android») e premendo no botón «Para Android». Logo, cómpre que instales o ficheiro descargado e que o executes, tendo en conta que o sistema Android avisará (e deberás aceptalo) de que o programa provén de «fontes descoñecidas» ao non o teres descargado desde Google Play. Loterías del Estado garante que a nosa aplicación oficial, descargada desde a nosa páxina, é completamente segura e non contén ningún programa que poida pór en risco o teu móbil Android, polo que podes realizar o proceso de instalación sen medo neste sentido. Unha vez instalada a aplicación, deberás realizar o proceso de verificación documental accedendo desde a ligazón «Ver perfil» dispoñible no menú e premendo en «Verificar identidade».
  • Tamén podes verificarte accedendo co teu navegador habitual (preferiblemente Chrome ou Safari) á nosa páxina web  www.loteriasyapuestas.es, autenticándote e accedendo no menú de «Datos persoais» ao botón de «Verificar identidade» para iniciares o proceso.

Teño un Android. Como obteño a aplicación oficial de Loterías?

Chega con que accedas á nosa web www.loteriasyapuestas.es, baixes ata o pé de pantalla onde verás a ligazón «Dispoñible para Android. Ao premérela accederás á páxina de descargas da nosa aplicación oficial e, ao premeres no botón «Para Android», comezará a descarga do ficheiro que contén a nosa aplicación oficial para Android.

Unha vez descargado, deberás procurar o ficheiro no teu teléfono para executárelo e que comece a instalación da aplicación. Ten en conta que, previamente á instalación, o sistema operativo Android indicarache que este programa provén de «fontes descoñecidas», dado que non se descargou de Google Play. Deberás aceptar a instalación para que esta continúe e finalice.

Loterías del Estado garante que a nosa aplicación oficial, descargada desde a nosa páxina, é completamente segura e non contén ningún programa que poida pór en risco o teu móbil Android.

Teño un Android e non dou descargado a aplicación porque dá moitos avisos de erro. Que podo facer?

Ao instalares o ficheiro que contén a nosa aplicación e executárelo para instalalo, debes ser coidadoso e contestar as preguntas que che realiza o sistema operativo Android para indicares que confías no programa que estás a instalar. Se salvas este paso, a instalación da aplicación realízase sen dificultade automaticamente, simplemente solicitándoche permisos para acceder á túa cámara (para realizares a verificación documental), micrófono (para poder xogar mediante voz) e dispositivo GPS (para controlar que accedes desde España).

Non quero utilizar a app oficial, como me verifico neste caso? 

Se utilizas o móbil, podes inicialo tendo á man o teu DNI/NIE e entrando cun navegador á páxina de Datos persoais e premer no botón «Verificar desde o móbil». Lembra que, neste caso, deberás permitirlle ao teu navegador (aconsellamos Chrome ou Safari) que poida utilizar o dispositivo da cámara do teu teléfono (pois precisaremos realizar as fotos do teu DNI e un vídeo do teu rostro para garantir que es o propietario do documento que se presenta). Para outorgar estes permisos, antes de entrar na nosa web, deberás acceder a «Axustes» do teu teléfono e, na opción de «Aplicacións», seleccionar o teu navegador. Unha vez seleccionado, verás a opción de «Permisos», onde deberás engadir a «Cámara» para poder usala no proceso de verificación.  Tamén co móbil ou cun ordenador persoal podes iniciar o proceso premendo na ligazón alternativa de verificación manual que aparece tamén na páxina de Datos persoais. Neste caso, pedirémosche que anexes tres ficheiros: un co anverso do teu DNI/NIE, outro co reverso do teu DNI/NIE e un terceiro cunha fotografía do teu rostro.  

Subín o meu documento de identidade (anverso e reverso) á plataforma e o pequeno vídeo solicitado e a pesar disto non me dou verificado

Os problemas principais adoitan estar debidos a dous motivos:

  • A mala calidade da fotografía realizada ao anverso do teu documento, que non permite visualizar correctamente a túa fotografía (quizás por reflexos nela de luces que incidan directamente ou por un contexto de penumbra).
  • A mala calidade do vídeo realizado, que igualmente non permite confirmar que a persoa que está realizando o vídeo é a mesma que a que se recolle na documentación. Adoita deberse a vídeos borrosos ou mal colocados que non enfocan o rostro, ou a unha situación de mala luminosidade no enfoque.

En calquera dos casos, aconsellámosche que realices o proceso nun lugar ben iluminado e sen luces directas que poidan provocar reflexos indesexados.

Son estranxeiro residente en España con Tarxeta de Identidade ou pasaporte en vigor. Como podo verificar a miña identidade na web?

Actualmente, se non dispós dun DNI, pero si dunha Tarxeta de Identificación de Estranxeiros debes seguir o mesmo proceso. No caso de que só teñas a tarxeta de residencia e pasaporte en vigor, deberás realizar a  verificación manual  achegando esta documentación xunto cunha fotografía en formato .jpg, .jpeg, .png, .gif.

Son cidadán da UE residente en España, pero non teño Tarxeta de Identidade de Estranxeiro nin pasaporte en vigor, como podo verificar a miña identidade na web?

No caso de que só teñas a tarxeta de residencia, deberás achegala xunto co teu Documento Nacional de Identidade do país de orixe xunto cunha fotografía en formato .jpg, .jpeg, .png, .gif e cun tamaño inferior aos 20 MB a través do noso formulario de contacto (opción "11.-Verificación documental de identidade") e esperar uns días a que che verifiquemos.

¿Podo falar con alguén para recibir axuda durante o proceso?

Claro, sempre podes chamarnos ao teléfono 900 29 41 05 e trataremos de axudarche a completar o proceso de verificación documental de forma satisfactoria e rápida.