Uso de Cookies

Nas Webs de SELAE empregamos cookies tanto propias coma de terceiros para mellora-la túa experiencia de usuario, realizar análises estatísticas e ofrecerche información de interese. Se continúas a navegar, entenderemos que aceptas o seu uso. Se necesitas máis información ou queres saber como rexeitalas ou eliminalas, fai clic aquí.

Último acceso: Sesión: - Último acceso:

Que teño que facer se teño premio?

 

En loteriasyapuestas.es tes total garantía de cobro de premios se resultas agraciado, xa que as apostas se escrutan automaticamente no sistema central a noite inmediatamente posterior ao sorteo.

Segundo o tipo de premio co cal a túa aposta fose agraciada, terás que proceder de diferente modo:

---------------------------------------------------------------------------------------------------------------------

Premios menores:

Aqueles cuxa contía é inferior a 2.000 €. Neste caso, o sistema intentará ingresalos automaticamente na túa Lotobolsa. 

  • Nese caso, se a túa Lotobolsa supera o saldo máximo permitido (fixado en 600 euros para todos os participantes), ou se o importe excede o máximo que indicaches nas túas Opcións, e sempre que verificases documentalmente os datos que indicaches no rexistro achegando o teu DNI/NIE, o sistema intentará transferir automaticamente o premio á conta bancaria que nos indicases no apartado «Opcións de lotobolsa». Lembra que o aboamento de premios só pode realizarse nunha conta dunha entidade bancaria autorizada para operar en España.
  • Se non dispós de ningunha, o premio quedará cargado na túa Lotobolsa, desde onde podes descargalo a unha conta bancaria da túa titularidade. Para permitir que o sistema che transfira os teus premios automaticamente neste tipo de situacións, recomendámosche que dispoñas sempre dunha conta bancaria válida e actualizada. Lembra que cómpre que previamente puidésemos verificar documentalmente  a túa identidade e así poder confirmar os datos que temos no teu perfil de usuario. Naqueles casos en que o consideremos necesario, solicitarémosche información adicional antes de permitirche a descarga. 
  • Lembra que non se che cobrará ningún tipo de comisión por descargares o importe do teu premio da túa lotobolsa.

 ---------------------------------------------------------------------------------------------------------------------

Premios maiores:

Trátase daqueles cun importe igual ou superior a 2000 €. Estes premios débense solicitar e ingresaranse na túa conta bancaria.

  • Estes premios poderían estar suxeitos a retención de impostos, se algunha das súas categorías premiadas supera os 40.000€.
  • Se aínda non o realizaches antes ou se a túa documentación non se encontra vixente, antes de poderes cobrar o teu premio deberás achegar a documentación adecuada a través do noso proceso de verificación documental de identidade para que poidamos confirmar que os datos recollidos no teu perfil de usuario son correctos, en virtude da normativa actualmente vixente. Para iso, ten á man o teu DNI/NIE con foto e accede ao noso proceso de verificación de identidade a través da nosa app oficial para iOS ou Android na pantalla de Datos persoais ou premendo aquí.
  • Debido ás cantidades económicas involucradas, e seguindo a normativa actualmente vixente, tamén será preciso que nos proporciones información adicional a través do formulario de COÑECEMENTO REFORZADO DO XOGADOR (accesible desde a pantalla de Datos Persoais) para poder recibir o importe do teu premio na túa conta bancaria..
  • Logo de verificar documentalmente a túa identidade e achegado o formulario, deberás acceder á túa conta de usuario e solicitar o cobro do teu premio antes de que pasen 3 meses desde que se celebrou o último sorteo no cal participaba a túa aposta.
  • Terás que indicar o teu número de conta bancaria da túa titularidade se non o fixeches previamente en «Opcións de lotobolsa».Lembra que o aboamento de premios só pode realizarse nunha conta dunha entidade bancaria autorizada para operar en España.Ten en conta que aparecerá por defecto o número de conta bancaria que indicases previamente. Se non tes indicado ningún ou desexas cambialo, podes facelo neste momento introducindo os díxitos deste. Asegúrate de que introduces un número de conta bancaria válido e do que es o titular.
  • O sistema informarate automaticamente do importe neto do premio, así como do imposto do 20% que esixe o Ministerio de Facenda para este tipo de premios.
  • Esa mesma noite executarase a transferencia. O tempo que tardarás en recibir o teu diñeiro depende do tempo que tarde o sistema bancario en realizar a transferencia, pero non adoitan demorar máis de tres días hábiles.

---------------------------------------------------------------------------------------------------------------------

En calquera dos casos, para os sorteos celebrados en 2020, o límite exento do gravame especial sobre premios de Loterías y Apuestas ascende a 40.000 €, de modo que todos os premios que non atinxan esta cantidade por décimo ou aposta están libres de imposto. 

Podes dispor dun resgardo premiado agraciado cunha cantidade exenta por unha aposta premiada e, ademais, outra aposta premiada con parte de imposto aplicado para ese mesmo resgardo. En calquera caso, pagaráseche a suma de todo co cálculo individualizado.

No caso do Millón (xogo asociado ao Euromillóns), a exención é de 24.000 €, dado que soamente se xoga 0,30 € e o límite exento do imposto aplícase proporcionalmente no caso de apostas menores a 0,50 €.

Os premios superiores, e polo exceso sobre os 40.000 euros exentos, si soportan unha retención do 20 %. 

Reiteramos que nunca, por importante que sexa o premio, se che solicitará ningún pagamento ou adianto de diñeiro pola túa parte, nin as claves de acceso á túa conta.

Por outro lado, por obvio que pareza, Loterías y Apuestas del Estado nunca outorgará un premio correspondente a un dos seus sorteos sen que adquiras previamente unha participación para este. Desconfía sempre dunha notificación de premio dun sorteo no que cres que non participaches, dado que esta práctica constitúe un calote frecuente.  

Finalmente, convén lembrar que actualmente loteriasyapuestas.es non permite compartir premios entre diferentes persoas. Un premio entregado pola web de Loterías ou as aplicacións estará unicamente asociado ao usuario que efectuou a aposta.